У дазволе на правядзенне пікетаў у Оршы адмоўлена

Аршанскі гарвыканкам адмовіў у правядзенні пікетаў супраць пагаршэння эканамічнага становішча грамадзян.

Як мы ўжо паведамлялі раней, актывісты партыі «Справядлівы свет» падалі заяўкі на правядзенне 4-х пікетаў у горадзе Орша ў афіцыйна адведзеных для масавых мерапрыемстваў месцах. З парушэннем устаноўленых тэрмінаў аўтары заявак атрымалі адказ.

Аршанскі гарвыканкам адмовіў у правядзенні пікетавання на той падставе, што аўтары заявак не паказалі месца сваёй працы. Той факт, што ўсе яны з'яўляюцца непрацуючымі пенсіянерамі, Аршанскі гарвыканкам да ўвагі не прыняў.