Віншаванні з Днём нараджэння палітвязням Сырамалотаву і Францкевічу з Бялыніцкага раёна
Беларускія палітвязні Павел Сырамалотаў і Аляксандр Францкевіч сустракаюць у зняволенні свае чарговыя Дні нараджэння. Павел Сырамалотаў адзначае 21-годдзе сёння, 30 красавіка, Аляксандру Францкевічу 6 траўня споўніцца 22 гады. Грамадскія актывісты з Бялыніцкага раёна даслалі палітвязням свае віншаванні.
“Мы думаем, што вельмі важна выказаць палітвязням нашу падтрымку вось у такія дні, каб яны ведалі, што грамадскасць на волі не пакідае іх без увагі і цікавіцца падзеямі ў іх жыцці, - кажа грамадскі актывіст з Бялыніцкага раёна. – Кожнаму прыемна, калі сябры не забываюць пра твой дзень нараджэння, а ў калі ты знаходзішся ў цяжкой сітуацыі, такая ўвага наогул вельмі значная. Сумна толькі тое, што ў краіне пад назвай Рэспубліка Беларусь найсці беларускамоўную паштоўку з Днём нараджэння вельмі цяжка, таму пісалі пажаданні на проста віншавальных паштоўках”.
