Беларускім чыноўнікам можа быць закрыты ўезд у Вялікабрытанію

Вялікабрытанія абвясьціла сёньня аб тым, што ўводзіць забарону на ўезд у каралеўства асоб, якія абвінавачваюцца ў сур'ёзных парушэньнях правоў чалавека, уключна з катаваньнямі й забойствамі. Па дадзеных інтэрнэт-СМІ, такая норма закране грамадзян дзяржаў, якія не ўваходзяць у ЭЗ.

Брытанскія ўлады таксама складуць адмысловы сьпіс асобаў, якія ня змогуць больш атрымаць візу на наведваньне Злучанага Каралеўства.

У МЗС Брытаніі растлумачылі, што дадзеная норма не закране кіраўнікоў замежных дзяржаў, а таксама міністраў, "калі будуць дастатковыя падставы для тако, каб лічыць, што ўрад гэтай краіны імкнецца палепшыць сытуацыю з правамі чалавека".