Чарговыя адміністратыўныя арышты ў Менску (абноўлена)

Актывіста "Еўрапейскай Беларусі" Максіма Вінярскага міліцыянты затрымалі сёння ў Менску падчас расклейкі плакатаў, якія, па ягоных словах, былі адрасаваныя прэзідэнту Расеі Уладзіміру Пуціну, які прыехаў з візітам у беларускую сталіцу.

У выніку затрымання Максіма Вінярскага даставілі ў суд Маскоўскага раёну Менска, дзе ён быў асуджаны на 5 сутак арышту і дастаўлены ў Цэнтр ізаляцыі правапарушальнікаў на Акрэсціна.

Таксама 5-суткавымі арыштамі пакараныя актывісты арганізацыі нацыянал-бальшавікоў Яўген Контуш і Зміцер Сіняк. Зміцеру Паліенку - 10 сутак.

Івана Амельчанку, які сёння мусіў быць вызвалены пасля адбыцця 15-суткавага арышту за плакат “Мусарок”, не выпусцілі з ЦІП на Акрэсціна.