Каля дома правасудзьдзя затрымліваюць моладзь

Каля дома правасудзьдзя ў Менску на вул. Сямашкі, 33, дзе зараз адбываецца суд над Зьмітром Дашкевічам, затрыманыя два моладзевыя актывісты: Яўген Скарабутан і Клюеў. Аб гэтым праваабарончаму цэнтру “Вясна” паведаміла па тэлефоне Крысьціна Шацікава. Актывістаў адвезьлі ў Маскоўскі РАУС г.Менску, дзе праводзяць здымкі на камэру.

Затрымалі і Зьміцера Хведарука. Але неўзабаве адпусьцілі. Актывіст расказаў “Вясьне”, што яго не адвезьлі ў Маскоўскі РАУС разам зь іншымі затрыманымі, таму што ў яго ёсьць запрашэньне на суд у якасьці сьведкі.

Зараз у зал суда запрошаныя сьведкі.