Адміністратыўны працэс над Міколам Уласевічам расцягваецца

23 лістапада ў Астравецкім раённым судзе павінен быў адбыцца працяг адміністратыўнага працэсу над Мікалаем Уласевічам, якога вінавацяць нібыта ў непадпарадкаванні службовым асобам у час выканання тымі сваіх абавязкаў.

Папярэдняе паседжанне суду адбылося 21 лістапада, калі прайшло апытанне сведак.

Аднак, сённяшняе паседжанне суду, прызначанае на 15.00, хутчэй усяго не адбудзецца, паведамляе сайт "Гарадзенскай вясны". Рэч у тым, што адвакатка Мікалая Уласевіча занятая сёння ў іншым працэсе – па крымінальнай справе. Уласевіч у такой сітуацыі напісаў у Астравецкі раённы суд заяву з просьбай перанесці разгляд яго справы на іншы дзень.