Сябру кампаніі “Гавары праўду” Аляксандру Кузьміну не даюць азнаёміцца з дакументамі па ягонай справе

Грамадскі актывіст з Белаазёрску Аляксандр Кузьмін на сваю заяву ў Бярозаўскі РАУС аб жаданні азнаёміцца з матэрыламі дазнання ў адносінах да яго па арт. 193 Крымінальнага кодэкса (дзейнасць ад імя незарэгістраванай  арганізацыі) атрымаў адказ, што да гэтага часу справу з пракуратуры ў РАУС не атрымалі.

Гэта вельмі здзівіла актывіста. З заявай аб азнаямненні з матэрыяламі справы ён звярнуўся ў РАУС 18 красавіка, пасля атрымання папярэджання пракуратуры Бярозаўскага раёна аб дзейнасці ад імя незарэгістраванай арганізацыі. У пракуратуры яму і яго адвакату не дазволілі азнаёміцца з матэрыяламі па справе, сказаўшы, што адашлюць яе кур’ерам у Бярозаўскі РАУС, і там можна будзе з імі азнаёміцца.  Але пераадолець адлегласць ад пракуратуры да міліцыі ў кіламетр кур’ер так і не здолеў да гэтага часу.

Аляксандр Кузьмін намераны абскардзіць вынясенне папярэджання ў Брэсцкай абласной пракуратуры.