Заява Дзяржадэпартамента ЗША з нагоды другой гадавіны з дня арышту Алеся Бяляцкага
Прэс-рэліз: Другая гадавіна з дня арышту Алеся Бяляцкага
Заява для прэсы
Мары Харф
Намеснік прэс-сакратара, Офіс прэс-сакратара
Вашынгтон, акруга Калумбія
2 жніўня 2013 г.
4 жніўня – другая гадавіна арышту Алеся Бяляцкага, старшыні вядучай беларускай праваабарончай арганізацыі ПЦ “Вясна” і лаўрэата Прэміі Дзяржадэпартамента ў галіне абароны правоў чалавека за 2011 год. Бяляцкі аказваў прававую і практычную падтрымку ахвярам палітычных рэпрэсій і іх сем'ям, і рэгістраваў парушэнні правоў чалавека. У цяперашні час ён адбывае чатыры з паловай гады турэмнага зняволення за гэтую дзейнасць. Мы адзначаем працу Бяляцкага па абароне слабых і падтрымцы самых высокіх стандартаў у галіне правоў чалавека, нягледзячы на пераслед з боку беларускіх уладаў.
Мы паўтараем наш заклік да ўрада Беларусі неадкладна вызваліць Бяляцкага і ўсіх палітвязняў і аднавіць іх грамадзянскія і палітычныя правы. Мы з нецярпеннем чакаем дня, калі глыбокая павага да дэмакратыі і правоў чалавека ў Беларусі дазволіць нам павысіць якасць двухбаковых стасункаў.
