Міколу Дземідзенку арыштавалі на 12 сутак

У Мінску 29 жніўня, перад прэсавай канферэнцыяй Зміцера Дашкевіча, быў затрыманы былы актывіст "Маладога фронта" Мікола Дземідзенка.

Пазней у судзе Цэнтральнага раёна г.Мінска яму прысудзілі 12 сутак арышту па артыкуле 23.4 КаАПП - непадпарадкаваньне законным патрабаваньням службовай асобы.

У судзе Фрунзенскага раёну Мінску актывіста Мікалая Дземідзенку прызналі невыязным. Пра гэта распавяла яго жонка.

«У судзе разглядалася справа за неаплачаныя штрафы. Штрафы аплачаныя. Тым ня менш правялі суд і прызналі Міколу невыязным. Квіткі пра выплачаныя штрафы я спрабую перадаць судзьдзі», — сказала Алеся Дземідзенка.

Другі суд адбыўся ў Цэнтральным судзе г. Мінску. Актывіста абвінавацілі ў злосным непадпарадкаваньні міліцыі. Нібыта Мікалай вырываўся.