Суд Цэнтральнага раёна Менску аштрафаваў пратэстанцкага пастара Яраслава Лукасіка і забараніў яму ўезд у Беларусь

Сёньня ў міліцыю Цэнтральнага раёна Менску быў выкліканы пратэстанцкі пастар, грамадзянін Польшчы Яраслаў Лукасік, паведаміла Хартыя'97.

Яго аштрафавалі на адну базавую велічыню і загадалі да 7 чэрвеня пакінуць тэрыторыю Беларусі. Пастару таксама забаранілі на пяць гадоў уезд у Беларусь.

Нагадаем, на Яраслава Лукасіка быў складзены пратакол за арганізацыю несанкцыянаванага набажэнства ў Менску.

Яраслаў Лукасік і яго жонка, грамадзянка Рэспублікі Беларусь Наталля Лукасік, маюць траіх дзяцей. Такія дзеянні ўлад разбіваюць шматдзетную сям'ю або змушаюць яе пакінуць нашу краіну.