Рок за правы чалавека: Бескампрамісны пацыфіст Джон Ленан
Ужо больш як тры дзесяцігоддзі легендарнага музыкі няма сярод нас, аднак яго заклікі да міру ва ўсім свеце працягваюць бударажыць душы розных пакаленняў, а песні рэзануюць у мільёнах фанацкіх сэрцаў.
Гэты выпуск праваабарончага падкасту распавядае, як бескампрамісны Джон Ленан са сваёй знакамітай спадарожніцай жыцця авангардысткай Ёка Она змагаліся за мір і свабоду, запускаючы ў шырокі свет - праз "bed-in", намёкі на публічны сэкс, абразанне валасоў перад тэлекамерамі і, безумоўна, гучныя антымілітарысцкія песні-маніфесты - свае заклікі пакласці канец агрэсіі ў В’етнаме, Нігерыі, Паўночнай Ірландыі ды іншых неспакойных месцах планеты.
У выніку нарадзіўся гімн пацыфісцкага руху
♫ Give peace a chance
а таксама
♫ I Don`t Want To Be A Soldier
♫ Sunday Bloody Sunday
♫ Happy Xmas (War is Over)
Іх вы тут пачуеце!
“Рок за правы чалавека” - аўтарская праграма Праваабарончага цэнтра “Вясна” пра вядомых рок-актывістаў, якія верылі і вераць у human rights. Валянцін Стэфановіч і Кася Яновіч распавядаюць, як з удзелам музыкаў, праз іх творчасць уздымаюцца і вырашаюцца набалелыя праблемы грамадства.
Слухаць выпуск:
