Пад які кантроль Лукашэнка распарадзіўся паставіць габрэяў?

Праваабаронца Таццяна Равяка просіць Генпракуратуру правесці праверку і даць ацэнку выказванню прэзідэнта Беларусі. Пра гэта Таццяна Равяка паведаміла на сваёй старонцы ў Фэйсбуку.

“29 Красавіка 2015, выступаючы са штогадовым пасланнем да народа і парламента, прэзідэнт Рэспублікі Беларусь Аляксандр Лукашэнка, звяртаючыся да старшыні Мінаблвыканкама Сямёну Шапіры, сказаў наступнае: «Я вас прасіў год назад, каб узяць ўсіх габрэяў пад кантроль у Беларусі».

Прашу Генеральную пракуратуру правесці пракурорскую праверку і высветліць:

1) пад які кантроль кіраўнік дзяржавы даў распараджэнне паставіць дадзеную нацыянальную групу,

2) у сувязі з якімі абставінамі і

3) з якой мэтай”, - гаворыцца ў звароце.

“Прашу таксама даць ацэнку дадзенага выказванні Аляксандра Лукашэнкі з мэтай высвятлення, ці не ўтрымліваецца ў ім прыкмет злачынства, прадугледжанага Артыкулам 130 Крымінальнага кодэкса РБ «Распальванне расавай, нацыянальнай або рэлігійнай варожасці ці розні».

Прашу даць абгрунтаваны адказ, заснаваны на выніках праверкі.

Прыкладаю відэаматэрыял з запісам выказванні Аляксандра Лукашэнкі.

"Дзякуй, ваш ліст адпраўлены" - пакуль такі адказ.