Арганізацыя "Станцыя Харкаў" змяняе сваю лакацыю
Пункт дапамогі арганізацыі "Станцыя Харкаў" на вакзале
Валанцёры-праваабаронцы “Беларускай Праваабарончай Гуманітарнай Місіі ва Украіне” працягваюць сваю дзейнасць у арганізацыі “Станцыя Харкаў”, дзе дапамагаюць перасяленцам з зоны АТО.
Як паведамляюць валанцёры, офіс арганізацыі зараз пераязджае ў іншае памяшканне, таму большая частка іх абавязкаў звязаныя менавіта з дапамогай у перавозе рэчаў. Аднак, не спыняецца і праца з уцекачамі. Беларускія валанцёры дапамагаюць у пункце “Станцыі Харкаў” на вакзале.
“Тут валянцёры рэгiструюць i дапамагаюць у пошуку жылля, начлега, працы. Цiкава, што вакзал стварыў шмат камфортных умоваў для перасяленцаў. Тут можна пераночыць бясплатна ў прывакзальным гатэлі, а камера захоўвання, туалет, спраўка, заля падвышаннага камфорту - бясплатныя, таксама ёсць прастора кавярні, дзе арганізоўваецца харчаванне (ежу гатуе царква)”.
Важным аспектам дапамогі перасяленцам – стаеццам псіхалагічная падтрымка. Днямі на “Станцыю Харкаў” прыйшоў валанцёрыць яшчэ адзін дыпламаваны псіхолаг.
“На Станцыю "Харкаў" прыйшоў новы валанцёр-псіхолаг Аляксей (між іншым, чалавек з чырвоным дыплёмам), які адразу прайшоў сваё першае выпрабаванне. На станцыі здараецца рознае: можна проста паразмаўляць з дзецьмі, а часам, даводзіцца разрульваць канфліктныя сітуацыі”.
Сама ж псіхалагічная служба арганізацыі з’яўляецца адной з самых запатрабаваных як для перасяленцаў, так і для валанцёраў, бо іх праца кожны дзень звязаная з высокаэмацыйнымі момантамі.
Падрабязней пра надзённую працу валанцёраў можна даведацца ў раздзеле“Праваабарончая Гуманітарная Місія ва Украіне” на нашым сайце, альбо на старонцы місіі ў Facebook.
