У Крупках судзяць прадпрымальнікаў
Кірмаш у Крупках. Фота Радыё Свабода.
У Крупках Мінскай вобласці 30 траўня адбудзецца разгляд адразу 26 адміністрацыйных спраў. Такім чынам улады хочуць пакараць прадпрымальнікаў гарадскога рынку каля аўтавакзалу, якія зладзілі страйк, пратэстуючы супраць указу №222 і абавязковай сертыфікацыі тавару. Іх вінавацяць у nым, што прадпрымальнікі «самавольна закрылі» свае гандлёвыя месцы, не праінфармаваўшы пакупнікоў аб часовым прыпыненні працы.
«5 красавіка ў іх была праверка на рынку, — распавёў “Свабодзе” старшыня грамадзкага аб’яднання „Пэрспектыва“ Анатоль Шумчанка.
— Людзі, натуральна, як заўсёды спужаліся — пазакрываліся. Прыехаў АБЭП, сфатаграфаваў, хто закрыты, і падаў у выканкам, на якіх месцах закрыліся. Там склалі пратакол за парушэнне рэжыму працы».
Напачатку разгляд спраў быў прызначаны на 11 траўня, аднак па невядомай прычыне яго перанеслі на 30 траўня.
