Прафсаюз РЭП просіць распачаць крымінальную справу па факце ўзлому сайта

31.01.2018 Тэгі: свабода слова, правы працоўных

https://spring96.org./be/news/88979 2018 2018-01-31T09:30:33+0300 2018-01-31T09:30:33+0300 2018-01-31T09:33:59+0300 be https://spring96.org./files/images/sources/rep_t.jpg Праваабарончы цэнтр «ВЯСНА» Праваабарончы цэнтр «ВЯСНА» Праваабарончы цэнтр «ВЯСНА»

Праваабарончы цэнтр «ВЯСНА»

Распачаць крымінальную справу па артыкуле 351 Крымінальнага кодэксу - кампутарны сабатаж просіць прафсаюз РЭП. Заяву ў ГУУС Мінгарвыканкама і Савецкі РУУС Менска накіравалі лідэр прафсаюза РЭП Генадзь Фядыніч і юрыст Юры Белякоў.

- Сайт узламаны, адміністратар не можа патрапіць у «адмінку» з 6 гадзін раніцы. Пакуль ніякай "левай" інфармацыі на сайце не з'явілася. Але сам факт узлому ставіць нас у адзін шэраг з Хартыяй-97: прафсаюзны сайт карыстаецца такой жа папулярнасцю, як і Хартыя. Мы накіравалі заявы ў Савецкі РУУС Мінска і ГУУС Мінгарвыканкама з просьбай распачаць крымінальную справу па артыкуле 351 КК - кампутарны сабатаж, - паведаміў сайту «Беларуская праўда» Юрый Белякоў.

Ўзлом сайта стаў апошняй кропляй, якая перапоўніла чашу цярпення кіраўніцтва прафсаюза. Літаральна ў апошнія дні па "справе прафсаюзаў" дапытаныя больш за 150 чалавек; на допыты выклікаюць масава і без бачных падстаў.

31 студзеня на офісе прафсаюза РЭП адбудзецца прэс-канферэнцыя, на якой кіраўніцтва апублікуе апошнія факты ціску на РЭП.