Берасце: Затрыманыя актывісты кампаніі супраць будаўніцтва завода АКБ Дзмітрый Бекалюк і Аляксандр Кабанаў Дапоўнена
Зміцер Бекалюк у судзе. Фота: ПЦ "Вясна"
У Берасці пасля 19-00 17 красавіка супрацоўнікі міліцыі затрымалі аднаго з сябраў ініцыятыўнай групы супраць будаўніцтва заводу АКБ Дзмітрыя Бекалюка.
Як паведамляе на сваёй старонцы ў фэйсбуку блогер Аляксандр Кабанаў, актывіста даставілі ў Ленінскі РАУС Брэста.
Прычына затрымання і падрабязнасці высвятляюцца.
Раніцай 18 красавіка стала вядома пра затрыманне блогера і актывіста Аляксандра Кабанава.
Пра затрыманне паведаміў праваабаронца Уладзімір Вялічкін:
- У 7-30 яго затрымалі ў Пінскім раёне, у Гарадзішчы. Кабанаў там знаходзіўся на самаізаляцыі. З учорашняга вечара хату блакавалі міліцыянты. Раніцай Кабанаў сабраў дзяжурны пакунак, пагаліўся, наклаў маску І выйшаў за браму, дзе і быў затрыманы.
Праваабаронца Вялічкін мяркуе, што М затрыманне звязана з выступам у мінулую нядзелю ў Берасці. Да панядзелка яго, як і Бекалюка, не выпусцяць, каб зашкодзіць заўтрашняй акцыі пратэсту супраць завода АКБ. Праціўнікі завода настроены рашуча.
Праваабаронца дапускае, што могуць быць яшчэ затрыманні тых, хто актыўна выступаў 12-га на плошчы ў Берасці і некаторых актывітаў прэвентыўна.
