Праваабарончая праграма "Вясна" на Беларускім Радыё Рацыя
Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'ера анлайн — на сайце па любых са спасылак тут, альбо тут.
Анонс праграмы на 21 ліпеня:
Хроніка: Каментары з месцаў затрыманняў – 14 ліпеня (калі беларусы выйшлі на стыхійныя акцыі пратэсту з нагоды нерэгістрацыі двух кандыдатаў) і 15 ліпеня, калі пад Цэнтральнай выбарчай камісіяй утварылася чарга з ахвотных падаць скаргі. Таксама – сваякоў і сяброў, якія шукалі сваіх блізкіх у РАУСе і спрабавалі трапіць на судовае пасяджэнне.
Каментар: Ці магчыма даведацца, што ваш блізкі чалавек затрыманы? Ці можна атрымаць інфармацыю у РУУСе, судзе ці ЦІПе? Як перадаюць перадачы арыштаваным? Навошта пры гэтым рэзаць каўбасу? Пра свой досвед распавядзе Таццяна, чый блізкі Анатоль нечакана знік 14 ліпеня.
Час выбараў: “Рэпрэсіі, якія мы ніколі не бачылі”. Каардынатары кампаніі “Праваабаронцы за свабодныя выбары” Уладзімір Лабковіч і Алег Гулак дадуць сваю ацэнку апошнім этапам выбарчай хады і акрэсляць яе адметнасці.
У музычных паўзах — MANDZIK. Сам выканаўца быў затрыманы 15 ліпеня і асуджаны да штрафу у 25 базавых велічынь.
