«Ігару свядома ствараюць нечалавечыя ўмовы». Зварот жонкі палітвязня Лосіка Відэа
Жонка палітвязня Ігара Лосіка Дар’я Лосік расказала "Радыё Свабода" пра ўмовы ўтрыманьня яе мужа ў турме № 8 у Жодзіне. Дарʼя лічыць, што мужу свядома ствараюць нечалавечыя ўмовы.
- Ігар Лосік. Фота: RFE/RL
Паводле Дарʼі, Ігара запалохваюць, прымушаюць даць непраўдзівыя паказанні на іншых людзей. У Ігара няма ніякай сувязі з вонкавым светам, ні газет, ні тэлевізара. У нядзелю да палітвязня прывялі чалавека з педыкулёзам.
Нагадаем, адміністратара суполкі «РБ головного мозга» і фрылансера-кансультанта Радыё Свабода Ігара Лосіка затрымалі 25 чэрвеня пасля ператрусу дома ў Баранавічах. У жа вечар стала вядома, што на яго завялі крымінальную справу па арт. 342 Крымінальнага кодэксу (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Ігар Лосік актыўна асвятляў падзеі вакол сёлетніх выбараў прэзідэнта Беларусі. На ягоны канал «РБ головного мозга» падпісаныя 167 тысяч чалавек. Праваабаронцы прызналі Ігара Лосіка палітвязнем.
