Навіны на тэму: выбары-2010
12.05.2010 Вынікі выбараў: давярай, але правярай
Грамадскі актывіст Аляксей Паўлоўскі ў чарговы раз не стаў дэпутатам. Але як і раней ён не паверыў вынікам выбараў і вырашыў праверыць сапраўднасць іх вынікаў.
07.05.2010 МАГІЛЁЎСКІ МАРАФОН: ВЫБАРЫ, КАНДЫДАТЫ, ПАРУШЭННІ
Выбары ў мясцовыя Саветы пачаліся амаль за дзевяць месцяцаў да сканчэння паўнамоцтваў папярэдняга Савета дэпутатаў, які быў абраны 14 студзеня 2007 года. Гэтым разам выбары мусілі адбыцца 25 красавіка 2010 года. Калі падыйсці да пытання тэрмінаў правядзення выбараў, то ў дадзеным выпадку ўсё лагічна – тэрмін паўнамоцтваў мясцовых Саветаў быў скарочаны з-за таго, што па тэрмінах адбывалася накладка з прэзідэнцкімі выбарамі і каб іх развесці неабходна было прадпрымаць нейкія дзеянні.
03.05.2010 Пасол Швецыі: Крытэрыі БДІПЧ адносна прызнання выбараў простыя і ясныя
Ацэньваючы нядаўнія выбары ў мясцовыя саветы, аналітыкі і эксперты імкнуцца зазірнуць наперад і разважаюць, як пройдуць наступныя — прэзідэнцкія выбары па новым Выбарчым кодэксе. З паслом Швецыі Стэфанам Эрыксанам мы размаўлялі пра мясцовыя выбары і пра тое, як вынікі прэзідэнтскіх могуць паўплываць на адносіны паміж Беларуссю і Еўрасаюзам.
30.04.2010 Пасольства ЗША заклікае беларускія ўлады расследаваць парушэнні падчас мясцовых выбараў
Пасольства ЗША заклікае беларускія ўлады «адкрыта і непрадузята» расследаваць выпадкі парушэнняў падчас выбарчай кампаніі па выбарах у мясцовыя саветы.
30.04.2010 875 тысяч рублёў штраф былому кандыдату
У Вялікай Бераставіцы сёньня рашэньнем суда на 25 базавых велічынь аштрафаваны былы кандыдат у дэпутаты, сябра партыі БСДП (Грамада) Алег Рамашкевіч. Яго зьвінавацілі ў расклейваньні агітацыйных ўлётак на сьценах дамоў. Рамашкевіч вінаватым сябе не прызнаў.
30.04.2010 Актывісты "Гавары праўду" прынесьлі ў ЦВК сьпіс парушэньняў на выбарах
Сёньня грамадзянская кампанія "Гавары праўду!" прэзэнтавала аналітычны бюлетэнь, прысьвечаны вынікам выбараў у мясцовыя саветы.
30.04.2010 Чысць: Парушальнікі выбарчага заканадаўства сталі дэпутатамі
У дзень галасавання высветлілася, што 4 кандыдаты ў дэпутаты Чысцінскага сельскага Савета дэпутатаў адначасова з'яўляюцца сябрамі ўчастковых выбарчых камісій. Як паведаміла Ярмошына, пасля выяўлення гэтага парушальнікі выбарчага заканадаўства былі выведзены са складу выбарчых камісій, але дэпутатамі яны сталі - напэўна, там такія спецыялісты патрэбны.
29.04.2010 Вінцук Вячорка: Вынікі, атрыманыя такім чынам, не маюць нічога супольнага з волевыяўленнем выбаршчыкаў
Кандыдат у дэпутаты па 43-й выбарчай акрузе сталіцы Вінцук Вячорка нікіраваў скаргу ў камісію Савецкага раёна. Названыя ў скарзе факты толькі ілюструюць тыповыя масавыя парушэнні ў акрузе ў цэлым. Вынікі, атрыманыя такім чынам, не маюць нічога супольнага з волевыяўленнем выбаршчыкаў. Яны павінны быць адмененыя, у акрузе павінны быць сфармаваныя новыя ўчастковыя камісіі з абавязковым удзелам прадстаўнікоў усіх прэтэндэнтаў у кожнай і праведзеныя новыя выбары, заяўляе сп.Вячорка.
29.04.2010 Анатоль Паўлаў: Няма сэнсу ўдзельнічаць у фарсе
Ні адзін з васьмі сябраў Аб'яднанай грамадзянскай партыі, зарэгістраваных у Менску кандыдатамі ў дэпутаты, не ўвайшоў у склад Менскага гарадскога Савета. Зыходзячы з вынікаў галасавання, кіраўніцтва партыі лічыць, што да працэдуры, якая прайшла 25 красавіка, нават нельга прымяніць слова «выбары».
29.04.2010 ЦВК лічыць, што сябру акруговай камісіі для азнаямлення са спісамі выбаршчыкаў неабходна даручэнне акруговай камісіі
Цэнтрвыбаркам адказаў на скаргу сябра выбарчай камісіі Любенскай акругі Гомеля Васіля Палякова аб тым, што ўчастковыя камісіі адмовіліся прадставіць яму для азнаямлення спісы выбаршчыкаў. Па словах Палякова, Цэнтральная камісія адказала, што фактычна нібыта ён меў права азнаёміцца са спісамі выбаршчыкаў, але для гэтай місіі ён павінен быў быць накіраваны акруговай камісіяй, то бок мець такое даручэнне, таму што акруговая камісія - калегіяльны орган.
29.04.2010 Амбасада ЗША заклікае ўлады расьсьледаваць парушэньні на выбарах
Амбасада ЗША заклікае беларускія ўлады "адкрыта і бесстаронна" расьсьледаваць выпадкі парушэньняў падчас кампаніі выбараў у мясцовыя саветы.
28.04.2010 Магілёўскі праваабаронца: “Лічбы колькасці выбаршчыкаў, якія прынялі ўдзел у галасаванні -- абсалютна выдуманыя”
Дырэктар "Магілёўскага праваабарончага цэнтра" Уладзімір Краўчанка накіраваў скаргі ў Пракуратуру Магілёўскай вобласці, Магілёўскую абласную выбарчую і Цэнтральную выбарчую камісіі.
28.04.2010 Рэха выбараў: апазыцыя не прызнае вынікаў галасаваньня
У тэрытарыяльных і акруговых камісіяў у рэгіёнах застаюцца два дні на разгляд скаргаў аб парушэньнях на галасаваньні — датэрміновым і 25-га красавіка. Прадстаўнікі апазыцыі спрабуюць аспрэчыць вынікі выбараў, спасылаючыся на шматлікія злоўжываньні і парушэньні, зафіксаваныя падчас кампаніі. Пра гэта інфармуюць карэспандэнты «Свабоды».
28.04.2010 Мазыр: Уладзімір Целяпун не прызнае вынікі выбараў па сваёй акрузе
Сябра Партыі БНФ Уладзімір Целяпун, які балатаваўся ў Гомельскі абласны Савет па Палескай выбарчай акрузе №43, не прызнае вынікаў адбыўшыхся выбараў. 27 красавіка, у адпаведнасці з арт. 82 Выбарчага кодэкса РБ, ён накіраваў скаргу ў акруговую камісію.
28.04.2010 Менск: Сацыял-дэмакраты атрымалі дзесятую частку галасоў
Трое кандыдатаў у дэпутаты ад Беларускай сацыяльна-дэмакратычнай партыі (Грамада) атрымалі на выбарах у Менску ад 8% да 12% галасоў выбаршчыкаў, заняўшы сярод усіх прэтэндэнтаў па акругах два другіх і адно трэцяе месца.
