Вілейка: Безальтэрнатыўнасць выбару негатыўна адбіваецца на галасаванні

Тое, што па Вілейскай выбарчай акрузе балатуецца толькі адзін кандыдат, стаўленік улады, негатыўным чынам адбіваецца на працэсе галасавання і яўцы выбаршчыкаў. Як адзначаюць назіральнікі, пры датэрміновым галасаванні многія, пабачыўшы ў бланку толькі адно прозьвішча, нават не ідуць у кабінку. Бюлютэні для галасавання людзі проста выкідваюць, часта дэманстратыўна іх парваўшы.

Нагадаем, што па Вілейскай выбарчай акрузе №61, у якую ўваходзяць Вілейскі і Мядзельскі раёны, застаўся толькі адзін кандыдат у дэпутаты - стаўленік ад улады Спільнічэнка І.А., галоўны ўрач вялейскага ТМА. Тут на розных этапах выбарчай кампаніі былі выціснуты іншыя прэтэндэнты на дэпутацкі мандат, у тым ліку і старшыня Менскай абласной арганізацыі Партыі БНФ мядзелец Дзмітрый Вінаградаў.

“Праваабаронцы за свабодныя выбары”