Адзін дзень на ўсё пра ўсё…
Учора, 2 сакавіка, у газеце абласной вертыкалі "Мінская праўда" была апублікавана невялікая інфармацыя пад доўгім загалоўкам "Да ўвагі палітычных партый, грамадскіх аб'яднанняў, працоўных калектываў, грамадзян".
З тэксту інфармацыі вынікала, што са складу Менскай абласной выбарчай камісіі па выбарах дэпутатаў мясцовых Саветаў дэпутатаў 26-га склікання па асабістай заяве выбыў сябра. Хто менавіта і каго ён прадстаўляў, газета не ўдакладняла, але звярнулася з заклікам да палітычных партый, грамадскіх аб'яднанняў, працоўных калектываў і грамадзян з прапановай пра вылучэнне свайго прадстаўніка ў склад указанай камісіі.
Неабходныя дакументы, якія, натуральна, трэба было яшчэ падрыхтаваць, прапанавалася прадставіць да 3 сакавіка (!) уключна па адрасу: г.Менск, вул.Энгельса 4-204.
Тыраж газеты абласной вертыкалі складае 13 тысяч асобнікаў. У Менскай вобласці пражывае, як было сказана ў гэтым жа нумары газеты, больш за 1,41 мільёна жыхароў…
"Праваабаронцы за свабодныя выбары"
