Віцебск: 30% выбаршчыкаў на ўчастку прагаласавалі ў першы дзень

Кандыдат у дэпутаты ў Віцебскі гарадскі Савет дэпутатаў па Тэхналагічнай выбарчай акрузе №9 і актывіст Беларускай Хрысціянскай Дэмакратыі Ўладзімір Раманавіч у першы дзень датэрміновага галасавання  выявіў, што да 17 гадзін на ўчастку № 47 акруга прагаласавала каля траціны выбаршчыкаў.

Ён прыйшоў да такой высновы, калі параўнаў колькасць прыйшоўшых выбарнікаў (каля 450) з агульнай колькасцю ўсіх выбаршчыкаў, зарэгістраваных у спісах - 1500 чалавек.

Апазіцыйны кандыдат адзначыў, што асноўную частку прагаласаваўшых склалі маладыя людзі - студэнты Віцебскага тэхналагічнага дзяржаўнага ўніверсітэта. З гутарак на ўчастку для галасавання са студэнтамі-выбаршчыкамі У. Раманавіч атрымаў інфармацыю пра тое, што яны галасуюць “добраахвотна-прымусова”.

Неабходна адзначыць, што канкурэнтам у маладога палітыка з'яўляецца прарэктар па адміністрацыйна-гаспадарчай працы Віцебскага дзяржаўнага тэхналагічнага ўніверсітэта Аляксей Шут.

“Праваабаронцы за свабодныя выбары”