Баранавічы: Хто займаецца выбарамі - гарвыканкам ці выбарчая камісія?
Паседжанне Баранавіцкай тэрытарыяльнай выбарчай камісіі
Цікавая размова сёння раніцай адбылася паміж назіральнікам Сяргеем Гоўшам і старшынёй гарадской выбарчай камісіяй Юрыем Шасцярнёвым.
У 10.30 назіральнік патэлефанаваў у Баранавіцкую тэрытарыяльную выбарчую камісію і запытаў у Шасцярнёва, колькі працэнтаў выбаршчыкаў прагаласавала за пяць дзён датэрміновага галасавання ў Баранавічах?
- А мы гэтага не ведаем, пацярпіце яшчэ. Такія звесткі калі хто збірае, то ў выканкаме Алег Аляксандравіч Савось (загадчык арганізацыйна-кадравай працай Баранавіцкага гарвыканкама), да яго сходзяцца такія звесткі, - адказаў старшыня гарадской выбарчай камісіі.
- А чаму ж вы не збіраеце такіх звестак, у выбарчую камісію ж павінны паступаць найперш гэтыя дадзеныя? - запытаў С. Гоўша.
- Ладна, ладна, разбярэмся, - цмяна адказаў старшыня выбаркама.
Дык хто ж займаецца выбарамі ў Баранавічах - гарвыканкам ці выбарчая камісія?
“Праваабаронцы за свабодныя выбары”
