Пінскія чыноўнікі заслужылі міліцэйскія ўзнагароды

Як паведаміў тэлеканал “Пінск”, старшыня Пінскага гарвыканкаму разам з начальнікам аддзелу ідэалагічнай працы пінскага гарвыканкаму і рэктарам Палескага дзяржаўнага ўніверсітэту былі ўзнагарожаны юбіленым медалём “90 год міліцыі Беларусі”. Героі атрымалі пачэсную ўзнагароду “за значны асабісты ўнёсак у навучанне і выхаванне моладзі і актыўную працу па прапагандзе дзейнасці міліцыі”.  Медалі ад імя міністра ўнутраных спраў уручаў начальнік упраўлення ідэалагічнай працы МУС Васіль Сакавец, які ў сваёй прамове падзякваў за выхаванне “чэсных, гуманных і ідэалагічна падкаваных міліцыянтаў”.

“Праваабарончая хроніка”