"Мемарыял" у абарону Алеся Бяляцкага

Супрацоўнічаючы з беларускім Праваабарончым цэнтрам «Вясна» ужо 15 гадоў, мы ведаем нашых калег і партнёраў-праваабаронцаў з гэтай арганізацыі як выдатных, адважных, сумленных прафесіяналаў, высока цэнім асабіста кіраўніка Цэнтра Алеся Бяляцкага. Нам зразумела, што ў атмасферы палітычнай несвабоды, рэпрэсій і ганенняў у адказ на ўсялякую крытыку ўлады ў Беларусі, пераслед Алеся Бяляцкага носіць палітычны характар, а крымінальныя абвінавачанні супраць яго - фабрыкацыя, спосаб спыніць непажаданую ўладам прафесійную дзейнасць праваабаронцы.

Мы перакананыя ў тым, што ў цяжкіх палітычных і эканамічных умовах, у якіх цяпер апынуўся народ Беларусі, толькі сумленная крытыка, добрасумленная праца па адстойванні прынцыпаў правоў чалавека могуць абараніць людзей ад разгулу гвалту і самавольства. Несумненна, менавіта такую ​​працу вялі Алесь Бяляцкі і яго калегі з «Вясны», менавіта за гэтую дзейнасць арганізацыя падвяргалася пераследам і рэпрэсіям, а яе старшыня цяпер пазбаўлены волі. Усе прыхільнікі прававога развіцця сітуацыі ў Беларусі, у рэгіёне і ў Еўропе ў цэлым павінны зрабіць усё магчымае для садзейнічання больш хуткаму вызваленню Алеся Бяляцкага, працягу працы «Вясны» і спыненню палітычных рэпрэсій рэжыма Лукашэнкі.

АДЦ Мемарыял са свайго боку, выказвае абсалютную і безумоўную падтрымку прынцыповай і мужнай пазіцыі Алеся Бяляцкага.

Мы не сумняемся ў яго поўнай невінаватасці і патрабуем ад уладаў Беларусі неадкладнага вызвалення праваабаронцы, зняцця з яго ўсіх абвінавачанняў і прадастаўлення магчымасці для працягу праваабарончай працы цэнтра «Вясна» і ўсім праваабаронцам рэспублікі Беларусь. Палітычныя пераследы павінны быць спыненыя.