З Алеся Кіркевіча патрабуюць штраф за перадвыбарчую сустрэчу з Міколам Статкевічам

6 студзеня ў кватэру грамадска-палітычнага актывіста Алеся Кіркевіча з Гародні заявіліся судовыя выканаўцы. Гэта было зусім нечаканым для нядаўняга палітвязня, які да ўсяго неаднаразова быў пакараны рознымі штрафамі.

Урэшце высветлілася, што дзяржаўныя прадстаўнікі патрабуюць нявыплачаны штраф, да якога быў засуджаны Кіркевіч яшчэ ў мінулым годзе – за перадвыбарчую сустрэчу гарадзенцаў з Міколам Статкевічам у час прэзідэнцкай кампаніі. Тады постфактум былі засуджаны некалькі гарадзенскіх актывістаў, сярод якіх і Алесь Кіркевіч – суд пастанавіў, што ён мусіць выплаціць 700 тысяч беларускіх рублёў штрафу за нібыта ўдзел у “несанкцыянаваным мітынгу”.