Францкевічу – 10 сутак штрафнога ізалятара

Аляксандр Францкевіч, які ў траўні 2011 года быў асуджаны да 3 гадоў пазбаўленьня волі ва ўмовах узмоцненага рэжыму патрапіў на 10 сутак у штрафны ізалятар. Дысцыплінарнае спагнанне ён атрымаў за адмову падмятаць памяшканьне. Пра гэта стала вядома з тэлефоннага званка з калоніі да маці палітвязня.

Аляксандр Францкевіч адбывае пакараньне ў калоніі №22 у Івацэвічах за злоснае хуліганства і наўмыснае знішчэньне кампутарнай інфармацыі.

Ігар Аліневіч, Мікалай Дзядок і Аляксандар Францкевіч праходзілі па так званай справе анархістаў. Былі асуджаныя адпаведна да 8, 4,5 і 3 гадоў зьняволеньня.