Беларускі дэсантнік Эдуард Лобаў (відэа)

У інтэрнэце зьявіўся новы міні-фільм, прысвечаны палітвязьню Эдуарду Лобаву. Сябра моладзевай арганізацыі "Малады фронт" Эдуард Лобаў быў затрыманы разам з лідарам гэтай арганізацыі Змітром Дашкевічам амаль два гады таму, напярэдадні прэзідэнцкіх выбараў 2010 года.

Лобава арыштавалі 18 снежня 2010 г.а 24 сакавіка 2011 г. асудзілі судом Маскоўскага раёна г.Менску па ч. 3 арт. 339 КК (асабліва злоснае хуліганства) да 4 гадоў пазбаўленьня волі ва ўмовах строгага рэжыму. Знаходзіцца ў калоніі №22 у Івацэвічах.

Адвакатка Лобава Алена Аўсяньнікава, выступаючы ў судовым працэсе заявіла, што віна павінна быць пацьверджаная бясспрэчнымі доказамі й ня можа будавацца на меркаваньнях, а доказаў, якія пацьвярджаюць бясспрэчнасьць віны абвінавачаных, у судзе не было прадстаўлена.