22 сакавіка позна ўвечары ў Магілёве затрыманы моладзевы актывіст Максім Азараў

Па сьцьвярджэньні міліцыянтаў Кастрычніцкага РАУС г. Магілёва, якія правялі затрыманьне, ён абвінавачваецца ў дробным хуліганстве. Як стала вядома ПЦ "Вясна" да суду Максім Азараў будзе знаходзіцца ў Ізалятары часовага ўтрымліваньня, ў якім правёў мінулую ноч.

Учора ж некаторыя грамадзкія актывісты атрымалі позвы, згодна з якімі яны мусяць сёньня, 23 сакавіка, зьявіцца ў Ленінскі РАУС г. Магілёва для допыту ў “якасьці сьведкі”. Позвы накіраваныя сп.сп. Віталю Васількову, Аляксандру Сілкову, Рыгору Кастусёву, Сяргею Фаміну, Юрыю Новікаву.