У Оршы падалі тры заяўкі на пікет 27 ліпеня
Тры акцыі ў дзень прыняцця Дэкларацыі аб дзяржаўным суверэнітэце Беларусі падалі аршанскія актывісты АГП. Пікеты яны хочуць правесці ў трох месцах горада, адмыслова вызначаных для правядзення масавых мерапрыемстваў.
Пікеты запланаваныя ў Парку герояў, на пляцоўцы перад уваходам у кавярню "Аронія" і ў парку культуры і адпачынку тэкстыльшчыкаў. Мэта акцый – актуалізаваць каштоўнасці незалежнасці і суверэнітэту дзяржавы, выказванне салідарнасці з украінскім народам у ягоным імкненні захаваць цэласнасць і незалежнасць Украіны, паведамляе orsha.eu .
Актывісты чакаюць адказу з Аршанскага райвыканкама. Між тым мясцовыя ўлады апошнім часам толькі адмаўляюць ініцыятарам акцый: за апошнія 3 гады ў Воршы не было дазволена ніводнай акцыі паводле мясцовых ініцыятываў. І прадстаўнікі дэмакратычнай грамадскасці лічаць, што мясцовыя ўлады парушаюць гэтым іхныя правы, гарантаваныя арт. 35 Канстытуцыі Рэспублікі Беларусь, арт. 21 Міжнароднга пакту аб грамадзянскіх і палітычных правах, і не дазваляюць скарыстацца магчымасцямі, прапісанымі у законе аб масавых мерапрыемствах.
