21.10.2010 Бабруйск: Журналіста “адправілі ў адпачынак” з-за публікацый пра выбары

Намеснік старшыні гарвыканкама Міхаіл Кавалевіч паставіў умову: ці Растаеў друкуецца толькі ў “ВБ” і не піша ў “Белгазету” і блог, ці ў газеты будуць праблемы.

21.10.2010 Баранавічы: Мясцовая афіцыйная газета стрымліваецца ад інфармацыі пра прэтэндэнтаў

Ужо прайшло больш за месяц з моманту абвяшчэння выбарчай прэзідэнцкай кампаніі. Мясцовая афіцыйная газета “Наш край” за гэты тэрмін толькі аднойчы надрукавала артыкул “За аўтографамі да электарату” і спіс 17 прэтэндэнтаў.

21.10.2010 У Мінску са збору подпісаў перайшлі на анкетаванне

Не знікаюць з вуліц сталіцы настаўніцы, якія раней былі заўважаны ў пікетах па зборы подпісаў за А. Лукашэнку. Але зараз замест падпісных лістоў у іх руках з’явіліся дзіўныя анкеты для жыхароў сталіцы.

20.10.2010 Гомель: Старшыня абласной камісіі пракаментаваў зафіксаваныя назіральнікамі парушэнні падчас збору подпісаў

Некалькі цікавых заўвагаў намесніка старшыні Гомельскай абласной выбарчай камісіі Аляксандра Усава надрукавала газета «Савецкі раён». У каментары пра ход выбарчай кампаніі ў рэгіёне Усаў, у прыватнасці, узгадаў пра тое, што абласной камісіяй разглядалася скарга з нагоды нібыта незаконнага збору подпісаў у студэнтаў Беларускага дзяржаўнага універсітэта транспарту і аказання на іх ціску з боку прарэктара універсітэта - кіраўніка ініцыятыўнай групы па Чыгуначным раёне Гомеля Галіны Чаянковай.

20.10.2010 Гомельская міліцыя “абараняе” вну ад пікетоўшчыкаў

Сябры ініцыятыўнай групы па зборы подпісаў за Уладзіміра Някляева ў Гомелі вырашылі 20 кастрычніка змяніць месца свайго сталага пікету каля ўнівермага «Гомель» - перайшлі да галоўнага корпуса ўніверсітэта ім.Ф.Скарыны і корпуса філалагічнага факультэта. Тут жа  ахоўнік універсітэта праявіў выключную пільнасць і выклікаў міліцыю. Бо акрамя таго, што зборшчыкі подпісаў стаялі на ганку галоўнага корпуса, яны яшчэ і бел-чырвона-белыя сцягі разгарнулі. Варта заўважыць, што ў адпаведнасці з рашэннем гарвыканкама, універсітэты не з'яўляюцца месцам, забароненым для правядзення пікетаў.

20.10.2010 Барысаў: Ва ўстановах адукацыі выбаршчыкаў ўводзяць у зман

Сябры ініцыятыўнай групы, якія збіралі подпісы за Аляксандра Лукашэнку, увялі ў зман супрацоўнікаў Барысаўскага дзяржаўнага каледжа, заявіўшы, што аддаць свой голас можна толькі за аднаго прэтэндэнта.

20.10.2010 Салігорск: Міліцыя падтрымала незалежнага прэтэндэнта ў кандыдаты

"Мы збіралі подпісы ў новым мікрараёне і зайшлі ў дом, дзе пражывае вялікая колькасць супрацоўнікаў Салігорскага РАУСу. Гэта было нечакана, але ж значная колькасць жыхароў гэтага дома без аніякіх комплексаў падпісаліся за нашага прэтэндэнта, - распавёў мясцовы актывіст Уладзімір Шыла. - Некаторыя, праўда, казалі, што міліцыя не ўдзельнічае ў выбарах. Тады я запытваўся, няўжо ж яны і галасаваць не пойдуць. Пытанне ставіла іх у тупік".

20.10.2010 Слонім: Вяскоўцы баяцца застацца без пенсіі і працы

Сябры ініцыятыўных групаў дэмакратычных кандыдатаў адзначаюць, што вяскоўцы, пасля таго, як паставілі подпісы за Аляксандра Лукашэнку, не хочуць падпісвацца за іншых кандыдатаў. Па словах вяскоўцаў, тыя хто збіраў подпісы за Лукашэнку, загадалі больш не падпісвацца ні за кога.

А на Слонімскай фабрыцы мастацкіх вырабаў тым, хто не падпішацца за дзеючага кіраўніка дзяржавы, адміністрацыя пагражае звальненнем.

20.10.2010 Баранавічы: Яшчэ адным актывістам па зборы подпісаў зацікавіўся ваенкамат

Арцёму Ластавецкаму, які з’яўляецца сябрам ініцыятыўных групаў Яраслава Раманчука і Мікалая Статкевіча, у нядзелю патэлефанаваў супрацоўнік Баранавіцкага ваенкамату і запатрабаваў, каб хлопец з’явіўся да іх 21 кастрычніка а 10-ай гадзіне - для ўдакладнення абставінаў.

20.10.2010 Бабруйск: Скаргі падзейнічалі

Пасля таго, як сябраў ініцыятыўнай групы Уладзіміра Някляева не пусцілі збіраць подпісы ў інтэрнаты, яны напісалі скаргі. Зборшчыца подпісаў Алена Мядзведзева адзначыла, што ўжо праз некалькі дзён скаргі падзейнічалі - ініцыятыўную групу пусцілі ў гэтыя інтэрнаты.

20.10.2010 Слуцк: У раённай камісіі акрэдытаваны шэсць назіральнікаў

Па словах старшыні РВК Аляксандра Андрушкевіча, сваіх назіральнікаў вылучылі грамадскія аб'яднанні «Белая Русь» і БРСМ, Слуцкі раённы камітэт прафсаюзаў работнікаў дзяржаўных устаноў, Беларускі саюз жанчын, Беларускі саюз афіцэраў. Грамадзяне шляхам збору подпісаў вылучылі аднаго назіральніка.

20.10.2010 Слуцк: Інфармацыя аб зборы подпісаў за Лукашэнку не агучваецца

У Слуцкую раённую выбарчую камісію на гэтым тыдні пачалі паступаць першыя падпісныя лісты ад сябраў ініцыятыўных груп. Аляксандр Андрушкевіч, старшыня Слуцкай РВК, адмовіўся назваць прэтэндэнтаў у кандыдаты на прэзідэнцкі пост, ініцыятыўныя групы якіх падалі ў камісію падпісныя лісты.

20.10.2010 Орша: Скупы інфармацыйны афіцыёз

Орша ў апошнія дні  змянілася ад шматлікасці рэкламных плакатаў - чырвона-зялёных, з выявай дзяржаўнага герба Беларусі. Яны вісяць і на сценах дамоў, і на вітрынах крам, і на дошках аб'яваў, і нават у грамадскім транспарце. На ўсіх аб'явах - адзін і той жа скупы афіцыйны тэкст «19 снежня - выбары Прэзідэнта Рэспублікі Беларусь».

20.10.2010 Салігорск: Ці запросяць назіральніка на праверку падпісных лістоў?

Этап збору подпісаў падыходзіць да завяршэння. Як сведчыць практыка мінулых кампаніяў, выбарчыя камісіі далёка не заўсёды паведамляюць назіральнікам пра паседжанні, звязаныя з праверкай падпісных лістоў. Таму Л.Мархотка, цяпер ужо акрэдытаваны пры Салігорскім выбаркаме назіральнік, накіроўваў у выбарчую камісіію зварот з просьбаю загадзя паведаміць пра месца і час правядзення адпаведных праверак.

20.10.2010 Брэст: Абласная арганізацыя Партыі БНФ мае намер вылучыць 100 сваіх прадстаўнікоў ва ўчастковыя выбарчыя камісіі

Як паведаміў кіраўнік абласной структуры Партыі БНФ Зміцер Шыманскі, які адначасова ўзначальвае рэгіянальны выбарчы штаб Рыгора Кастусёва, плануецца, што партыйныя актывісты будуць вылучаць свае кандыдатуры ва ўсіх буйных населеных пунктах вобласці, у тым ліку ў Брэсце, Баранавічах, Пінску, Бярозе.