Вярхоўны суд пакінуў у сіле прысуд палітвязню Міколу Дзядку

25 студзеня 2022 года Вярхоўны суд разглядзеў апеляцыйную скаргу на прысуд палітзняволенага Міколы Дзядка. Прысуд 33-гадоваму палітзняволенаму блогеру і актывісту анархічнага руху вынеслі ў Мінскім гарадскім судзе 10 лістапада. Суддзя Анастасія Папко прызнала яго вінаватым па трох артыкулах Крымінальнага кодэкса: арт. 342,арт. 361,арт. 295-3і прызначыла пакаранне ў выглядзе пяці гадоў пазбаўлення волі ва ўмовах агульнага рэжыму. Менавіта такое пакаранне запрошваў пракурор Антон Цюменцаў. Мікалай не прызнаў віну ні па ніводным артыкуле.

Апеляцыйную скаргу Міколы Дзядка разглядала судовая калегія Вярхоўнага суда, у якую ўваходзілі суддзі Уладзімір Давыдаў, Андрэй Кавальчук і Мікалай Грынцэвіч. У пасяджэнні прыняў удзел пракурор Генеральнай пракуратуры Андрэеў. Калегія пакінула скаргу без задавальнення, а прысуд —  без зменаў.

У апеляцыйнай скарзе Мікола Дзядок не аспрэчваў тое, што размяшчаў артыкулы ў створаным ім тэлеграм-канале і ўдзельнічаў у масавых мерапрыемствах, але падкрэсліў, што гэтым не меў намеру шкодзіць нацыянальнай бяспецы Беларусі, а рэалізоўваў свае правы на свабоду выказвання меркавання і свабоду мірных сходаў. Ён выказаў упэўненасць, што ў справе адсутнічаюць доказы, якія пацвярджалі б ягоную віну. Тлумачальная запіска ж да бутэлькі з гаручай сумессю не ўтрымлівае ягоны подпіс, што пацвярджае фальсіфікацыю доказаў. Таксама падчас суда ён заявіў пра катаванні і збіццё пасля затрымання.

Душылі падушкай, засоўвалі бутэльку ў рот. На судзе палітвязень Дзядок распавёў пра катаванні і збіццё

У Мінскім гарадскім судзе 1 ліпеня адбываецца другое пасяджэнне па крымінальнай справы супраць 32-гадовага палітзняволенага блогера і актывіста анархічнага руху Мікалая Дзядка.

У скарзе Мікола Дзядок заўважыў, што суд не ўлічыў нормы Міжнароднага права пры вынясенні прысуду. 

"Пакаранне ў выглядзе пазбаўлення волі належным чынам не абгрунтаванае, а само пакаранне з'яўляецца несуразмерным", — адзначыў Дзядок у скарзе.

Адвакатка адзначыла выбарчую ацэнку судом вынікаў лінгвістычнай экспертызы, заўважныя супрацьлегласці ў іх, а таксама тое, што паказанні Дзядка былі вымушаныя і даваліся пасля катаванняў. Таксама абаронца адзначыла недаказанасць эпізодаў, шэраг супярэчнасцей і недапушчальныя доказы ў справе. Таму яна папрасіла адмяніць прысуд і спыніць вытворчасць па крымінальнай справе.

Калегія пакінула скаргу без задавальнення, а прысуд —  без зменаў. Гэта значыць, што ў хуткім часе Мікола Дзядок будзе этапаваны ў калонію адбываць пакаранне тэрмінам на пяць год.

"Пагражалі згвалтаваць, сказалі, што завязуць у гестапа ці ў лес". Аповед Мікалая Дзядка, перададзены на волю

Ад чалавека, з якім у Дзядка атрымалася пагаварыць у ізалятары на Акрэсціна, сталі вядомыя падрабязнасці затрымання Мікалая Дзядка.