Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN).
(А анонсы папярэдніх выпускаў глядзіце тут).
Анонс праграмы на 22 лютага:
Каментар эксперта: Задзіночанне беларускіх студэнтаў сумесна з Беларускім незалежным балонскім камітэтам выпусцілі вялікую справаздачу пра стан акадэміі ў 2021 годзе.
- Міліцыя прыходзіла ў інтэрнаты да студэнтаў і забірала іх — тут рэпрэсіі з боку дзяржавы, але ў той жа час і ўніверсітэт дазваляе гэта рабіць;
- Студэнту змянілі месца размеркавання, затрымлівалі выдачу дакументаў — таму ён усе дэдлайны прапусціў;
- У некаторых студэнтаў/студэнтак былі вымовы за ўдзел у акцыях, хоць іх там не затрымлівалі;
- Паўсотні студэнтаў зазналі псіхалагічны ціск з боку дэканаў, рэктараў і г.д.;
- Некаторыя замежныя партнёры замарозілі супрацоўніцтва з беларускімі ўніверсітэтамі, пакуль у краіне не палепшыцца сітуацыя з правамі чалавека;
- Рэпрэсаваныя студэнты могуць паехаць вучыцца ва еўрапейскія ўніверсітэты са стыпендыяй...
Пра гэта ды не толькі распавядае Міжнародны сакратар ЗБС Максім Зафранскі.
Час выбараў: Місіі назірання ад ЕС не будзе; бюлетэнь будзе цалкам на рускай мове; рэферэндум будуць ахоўваць міліцыя, былыя спецназаўцы, дружыны і БРСМ; і ўжо на 9 чалавек завялі крыміналкі за спробы “зрыву” рэферэндуму.… Усе самыя асноўныя навіны мінулага тыдня пра рэферэндум у Беларусі.
Асоба: Інспектар пытае дзіця, ці ведае яно, што Лукашэнка — прэзідэнт. Міліцыянт называе “тупой” і абмяркоўвае знешнасць. “Вы на акцыі пратэсту ходзіце і вас падманваюць, а гэта Захад вінаваты”… Эмацыйная гісторыя жыхаркі Івацэвічаў Вольгі Кронды пра тое, як яна адбывае “хатнюю хімію”.
Падзея: Палітзняволены філосаф Уладзімір Мацкевіч спыніў галадоўку. Як ён? Распавядае яго калега Таццяна Вадалажская.
У музычных паўзах — кампазіцыі з альбому "Sonk" ад тандэму Syndrom Samazvanca.
Аўдыёзапіс выпуску:
