Выстава "Магшоты палітвязняў". Фотарэпартаж Фота
У Варшаве, 14 сакавіка, у каворкінгу Free Belarus Center адбылася фотавыстава "Магшоты палітвязняў" і сустрэча з былымі палітвязнямі. Таксама на мерапрыемстве пры дапамозе "Майстэрні паштовак салідарнасці" падпісалі паштоўкі палітвязням. На сустрэчы праваабаронца "Вясны" Дзіяна Пінчук распавяла пра праект і фотавыставу, а былыя палітзняволеныя Алана Гебрэмарыям, Леў Антанюк, Пятро Марчанка, Марыя Бабовіч, Максім Пучынскі, Дар'я Кароль — пра фатаграфаванне ў зняволенні, а таксама пра салідарнасць з абодвух бакоў кратаў. Паказваем у фотаздымках, як гэта было.
- Праваабаронца Дзіяна перад адкрыццём выставы
- Магшоты пад паўпразрыстымі лістамі і цытатамі былых палітвязняў
- Падчас мерапрыемства
- Леў Антанюк і Пятро Марчанка, якія разам адбывалі тэрміны ў "Віцьбе"
- Падпісанне паштовак
- Актывістка Алана са сваім фотаздымкам, зробленым у гомельскай жаночай калоніі
- Магшот былога палітвязня Віталя Жука
- Дар'я Кароль здымае відэа
- Леў Антанюк фатаграфуе свой фотаздымак, зроблены ў віцебскай калоніі № 3
- Магшоты былых палітвязняў надрукаваныя на звычайнай паперы
"Станавіся да сцяны — мы цябе сфатаграфуем!" Магшоты палітвязняў
"Разгубленасць і бездапаможнасць". Што распавядаюць былыя палітвязні пра фатаграфаванне ў калоніях
Былыя палітзняволеныя таксама могуць прыняць удзел у праекце і такім чынам задакументаваць сваю гісторыю. Для гэтага трэба запоўніць адмысловую гугл-форму. Аўтарка праекту называе гэта альтэрнатыўным архівам, які будзе развівацца надалей.
Праект "Магшоты палітвязняў" створаны ў межах стыпендыяльнай праграмы Free Belarus Center.
