Праваабарончая праграма "Вясна"
Кожны аўторак у 19:05 па беларускім часе у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 4 чэрвеня:
Каментар эксперта: 30 траўня 2024 года дэпутаты Палаты прадстаўнікоў прынялі ў двух чытаннях законапраект “Аб амністыі ў сувязі з 80-годдзем вызвалення Беларусі ад нямецка-фашысцкіх захопнікаў”. Але амністыя ніякім чынам не паўплывае на становішча палітзняволеных.
Крымінальны пераслед: Праваабаронца і былы палітвязень Леанід Судаленка чакае пачатку справы па спецвытворчасці.
"Адвакатка, прызначаная мне, на сувязь са мной не выходзіць, адмаўляецца са мной размаўляць", — кажа Леанід Судаленка.
Праваабарончы слоўнік: 1 чэрвеня адзначыўся Міжнародны дзень абароны дзяцей.
Асоба: У Варшаве працуе "OpTeamist Vocal Studio". Заняткі ў ёй выкладае спявачка, экс-палітзняволенная Юлія Юніцкая.
