Віцебск: Ініцыятыўная група А.Міхалевіча пачала здаваць подпісы

Гэта першая ініцыятыўная група незалежнага прэтэндэнта ў кандыдаты ў прэзідэнты, якая вырашыла здаць сабраныя подпісы. Да 19 кастрычніка подпісы здавалі толькі сябры ініцыятыўнай групы А.Лукашэнкі.

Сябры ініцыятыўнай групы А.Міхалевіча аднеслі 2 тысячы подпісаў у раённыя выбарчыя камісіі Першамайскага і Кастрычніцкага раёнаў Віцебска, паведаміў “Праваабаронцам за свабодныя выбары” збіральнік Хрыстафор Жаляпаў. Ён падкрэсліў, што гэта невялікая частка сабраных подпісаў, астатнія ініцыятыўная група пераглядае і аналізуе, каб пазбегнуць недакладнасцей.

Большасць ініцыятыўных групаў іншых патэнцыйных кандыдатаў плануе здаваць подпісы толькі з наступнага тыдня.

“Праваабаронцы за свабодныя выбары”