Магілёўшчына: Выбарчых участкаў паменела

У Магілёўскай вобласці створана 818 участкаў па выбарах Прэзідэнта Рэспублікі Беларусь. З іх 153 у Магілёве, 109 – у Бабруйску. Пра гэта паведамляе сакратарка абласной выбарчай камісіі Людміла Макаранка.

З яе словаў, колькасць участкаў на 12 меней, чым была на выбарах у мясцовыя Саветы дэпутатаў дваццаць шостага склікання.

Нагадаем, што вылучэнне прадстаўнікоў у склад участковых  камісій будзе адбывацца да 31 кастрычніка ўключна. Палітычныя партыі, грамадскія аб’яднанні, працоўныя калектывы і грамадзяне шляхам падачы заявы могуць вылучаць сваіх прадстаўнікоў у гэтыя камісіі. Грамадзянам, якія жадаюць патрапіць у склад гэтых камісій шляхам збору подпісаў, неабходна назбіраць 10 подпісаў.

“Праваабаронцы за свабодныя выбары”