Слонім: Мір і згоду будуць шукаць у кінатэатры “Мір”

Калі кандыдат у прэзідэнты захоча ў Слоніме сустрэцца з выбаршчыкамі, то сустрэчу ён зможа арганізаваць толькі ў кінатэатры “Мір”, які налічвае 176 месцаў - пры тым, што ў Слоніме сёння 49 тысяч насельніцтва.

Такое рашэнне прыняў Слонімскі райвыканкам, які вызначыў кінатэатр “Мір” месцам для арганізацыі сустрэч кандыдатаў у Прэзідэнты Рэспублікі Беларусь і іх давераных асоб з выбаршчыкамі.

Гарадскі парк паводле рашэння райвыканкама вызначаны месцам для правядзення масавых мерапрыемстваў. У іншых месцах праводзіць падобныя мерапрыемствы катэгарычна забараняецца.

“Праваабаронцы за свабодныя выбары”