Агітацыйны аўтапрабег з удзелам замежных грамадзян “Мы за бацьку!” пабываў у Пінску (фота)
Амаль цэлую паласу сённяшняя газета “Пінскі веснік” (№ 93) прысвяціла міжнароднаму аўтапрабегу “Мы за бацьку!”. На дзіва аператыўна матар’ял з’явіўся і на сайце выдання. У артыкуле падкрэсліваецца, што акцыя была зладжана расійскай грамадскай арганізацыяй “Браты славяне” у падтрымку курса, абранага Беларуссю, і Прэзідэнта краіны.
У Пінск удзельнікі аўтапрабегу прыбылі ўвечары 21 лістапада. Нягледзячы на позні час, для ніх адмыслова быў зладжаны мітынг з удзелам прадстаўнікоў пінскага гарвыканкаму, арганізацый “Белая русь”, БРСМ, ветэранаў і актывістаў гарадскога маладзёвага штабу ў падтрымку А.Р. Лукашэнкі.
Замежныя госці адзначылі, што : “…, что предложенный Президентом Республики Беларусь Александром Григорьевичем Лукашенко курс развития нашей страны оказался правильным. Мы смогли создать новую Беларусь не только суверенным государством, но и способным самостоятельно решать экономические проблемы, не допускать обвальной приватизации и «шоковой терапии». Простые россияне и украинцы отмечали, что многое из того, что сделано для людей в Беларуси, хотели бы видеть у себя. Нужно и далее придерживаться выбранного курса, следовать за истинно народным лидером”.
Пінскія праваабаронцы заўважылі, што беларускае выбарчае заканадаўства забараняе замежным грамадзянам удзельнічаць у перадвыбарчай агітацыі, акрамя таго замежныя арганізацыі не могуць фінансаваць перадвыбарчыя мерапрыемствы.
“Праваабаронцы за свабодныя выбары”
(Фота газеты “Пінскі веснік”)
