Слонім: Месцаў для сустрэч з кандыдатамі дадалося

Толькі ў суботу, 27 лістапада, мясцовая раёнка апублікавала дапаўненні ў рашэнне Слонімскага райвыканкама № 916 ад 8 лістапада аб вызначэнні месцаў для сустрэч выбаршчыкаў з кандыдатамі ў прэзідэнты. У ім, у прыватнасці, сказана, што акрамя раней вызначанага кінатэатра “Мір” сустракацца можна з кандыдатамі на пасаду прэзідэнта і з іх даверанымі асобамі ў Доме культуры ў мікрараёне “Альбярцін” і ў Слонімскай дзіцячай школе мастацтваў. Калі кінатэатр “Мір” і школа мастацтваў знаходзяцца ў цэнтры горада, то Дом культуры мікрараёна “Альбярцін” -- даволі далёка.

1 снежня ў Слонім на сустрэчу з выбаршчыкамі плануе прыехаць Рыгор Кастусёў, і дзе яму дазволяць наладзіць сустрэчу — пакуль невядома.   

“Праваабаронцы за свабодныя выбары”