Аршанскія камісіі завышаюць колькасць прагаласаваўшых датэрмінова
Сур'ёзныя разыходжанні па колькасці выбаршчыкаў, што прагаласавалі датэрмінова, выявіліся паміж дадзенымі назіральнікаў і афіцыйнымі лічбамі ўчастковых камісій.
Так, на выбарчым участку № 42 па горадзе Орша, размешчаным у школе № 13, за 17 снежня па дадзеных назіральнікаў прагаласаваў 101 чалавек, а па дадзеных участковай камісіі - 119. Яшчэ большая розніца ў лічбах па ўчастку № 12 у Оршы, які знаходзіцца ў 16-й школе. Назіральнікі налічылі за 4 дні 304 прагаласавваўшых, камісія - 320. І ўжо зусім значнае разыходжанне - па ўчастку № 16 (школа № 5). Па дадзеных назіральнікаў прагаласавалі 283 чалавекі, па дадзеных камісіі - 329.
Указаныя факты, па меркаванні саміх назіральнікаў, сведчаць пра тое, што некаторыя ўчастковыя камісіі імкнуцца завысіць колькасць прагаласаваўшых выбаршчыкаў.
"Праваабаронцы за свабодныя выбары"
