Пасля сустрэчы з Севярынцам прадпрымальніцу выклікаюць у КДБ
https://spring96.org./be/news/75947
2015
2015-03-03T13:25:13+0300
2015-03-03T13:25:13+0300
2015-03-03T13:25:13+0300
be
https://spring96.org./files/images/sources/kgb-pasvedch.jpg
Пасля сустрэчы 2 лютага з сустаршынём аргкамітэту па стварэнні партыі "Беларуская Хрысціянская Дэмакратыя” Паўлам Севярынцам у Ваўкавыску ў доме прадпрымальніцы Вольгі Кавальчук яе выклікалі ў КДБ.
Актывісткі выклікалі па тэлефоне, але яна ісці адмовілася.
Каб высвятліць сітуацыю, у ваўкавыскі КДБ патэлефанаваў сустаршыня аргкамітэту БХД Віталь Рымашэўскі, але там ад каментароў адмовіліся, заявіўшы, што ўсе супрацоўнікі раз’ехаліся па раёне.
Беларускія Хрысціянскія Дэмакраты расцэньваюць гэта як факт ціску і пераследу грамадскіх актывістаў па палітычных матывах і стварэнне перашкодаў у дзейнасці па стварэнні Партыі БХД. Мы будзем пільна сачыць за сітуацыяй і патрабаваць тлумачэнняў.
