Збіты амапаўцамі таксіст Аляксей Лапа не з'явіўся на свой прысуд. Яго абвясцілі ў вышук Дапоўнена

Суд Кастрычніцкага раёна Гародні 3 сакавіка павінен быў вынесці прысуд па крымінальнай справе мясцовага таксіста Аляксея Лапы. Мужчыну абвінавачваюць паводле арт. 364 КК (Гвалт альбо пагроза гвалту ў дачыненні да супрацоўніка органаў унутраных спраў). Але ўсё пайшло не так.

Гэта адзін з самых працяглых судоў па крымінальнай справе па артыкуле 364 КК за апошні час, суд распачаўся яшчэ 5 лістапада і доўжыцца амаль чатыры месяцы.

У якасці пацярпелых выступаюць два супрацоўнікі АМАПу - Арцём Логіш і Павел Конан. 

Справу разглядае суддзя Дзмітрый Кедаль. Дзяржабвінаваўца - пракурор Георгій Смольскі.

Маніторынг судовага пасяджэння ажыццяўляе праваабаронца Раман Юргель.

Па версіі абвінавачвання, Аляксей 11 жніўня з мэтай перашкодзіць дзейнасці супрацоўнікаў міліцыі ўжыў гвалт над імі, то бок наехаў на іх на машыне. Пры гэтым толькі ў Конана былі сінякі і ранкі: сінякі на локці і калене, драпіна на ілбе, якія выклікалі кароткачасовую страту здароўя. Нагадаем, 11 жніўня каля плошчы Дзекабрыстаў машыну Аляксея спынілі супрацоўнікі АМАПу і жорстка затрымалі ўсю кампанію. Таксі сілавікі разбілі, людзей, якія знаходзяцца ўнутры, выцягнулі на дарогу і збілі.

Пракурор Смольскі прасіў прызнаць Лапу вінаватым і прызначыць яму 3 гады пазбаўлення волі ва ўмовах агульнага рэжыму і ўзяць пад варту ў зале суда.

Што кажа абарона Аляксея Лапы?

Згодна арт. 23 Закона "Аб супрацоўніках унутраных спраў" , пацярпелыя і сведкі не паведамілі ў РАУС, аб нанясенні цялесных пашкоджанняў, альбо іншыя ўказанні на злачынства. Пацярпелыя Лагіш і Конан не паведамілі аб супрацьпраўных дзеяннях у бліжэйшы РАУС. Адсутнічае падстава і падстава для ўзбуджэння крымінальнай справы, а аастанова аб узбужэнні  справы з'яўляецца Адвакат просіць суд даць ацэнку незаконнасці ўзбуджэння справы.

Дзеянні супрацоўнікаў міліцыі Лагіша і Конана не адпавядалі заканадаўству. Ні Лапа, ні іншыя, не прымалі ўдзелу ў несанкцыянаваным масавым мерапрыемстве, таму патрабаванні міліцыянтаў Логіша і Конана былі незаконнымі для спынення аўтамабіля.

Сведкі ў паказаннях растлумачылі, што хацелі пагутарыць, убачыўшы б-ч-б сцяг на каленях пасажыра таксі. Падстаў правяраць пасажыраў таксі і пацярпелых, не  было. Наяўнасць сцяга, налепкі, не магла служыць падставай для затрымання і пацвярджэннем удзелу ў несакцыянаваным масавым мерапрыемстве.

Пацярпелыя і сведкі ў судзе не пацвердзілі ўдзелу пасажыраў таксі ў несакцыянаваным масавым мерапрыемстве. Логіш адмовіўся ад сваіх першапачатковых паказанняў у судовым пасяджэнні, дзе ён казаў, што абвінавачаны Лазавік знаходзіўся ў групе мітынгоўцаў. Рахунок ў судзе паказаў, што нейкія людзі беглі, але не абвінавачаныя і пасажыры таксі. Даследаванне відэазапісаў сведкі, паказвае на тое, што пасажыры таксі не ўцякалі.

Дакладнасць паказанняў супрацоўнікаў міліцыі ў судзе выклікае вялікія сумневы. Відэарэгістратары ім не выдаваліся.

У справе адсутнічаюць падставы для прызнання Лагіша і Конана пацярпелымі, выходзіць што іх прызначылі пацярпелымі. Ніякага гвалту Лагішу не было прычынена. Суд таксама павінен даць ацэнку паказанням Конана. У Конана адсутнічаюць цялесныя пашкоджанні, у медыцынскія ўстановы ён не звяртаўся. Лапа не меў намеру да гвалту ў дачыненні да супрацоўнікаў УУС.

У той жа час, Яўген Лапа атрымаў множныя цялесныя пашкоджанні пасля затрымання. Гэта павінна цягнуць апраўданне, за адсутнасцю агул небяспечнага дзеі. Устаноўлена ў суд пасяджэнні: фальсіфікацыі пры ўзбуджэння кут справы, разгалашэнне дадзеных крымінальнай справы і інш прашу далучыць сваю пазіцыю да судовых матэрыялаў.

“На іх месцы мог апынуцца і я”. Што засталося за кадрам?

Гарадзенец Дзмітрый (прозвішча ёсць у рэдакцыі Hrodna.life, але ў мэтах бяспекі не называецца) бачыў, як амапаўцы 11 жніўня білі машыну таксіста Аляксея Лапы. Цяпер таксісту пагражае да трох гадоў пазбаўлення волі за гвалту ў дачыненні да супрацоўніка органаў унутраных спраў. Сведка Дзмітрый з'ехаў у Польшчу. Вярнуцца ў Гродна ён баіцца, бо сведак таксама прыцягваюць да крымінальнай адказнасці.

Затрыманне таксіста і пасажыраў у Гродна. Фота: hrodna.life

Дзмітрый з'ехаў у канцы 2020 года. Кажа, не вернецца, пакуль не будзе ўпэўнены, што гвалт і рэпрэсіі ў дачыненні да мірных грамадзян скончыліся. «Вельмі балюча чытаць навіны аб затрыманнях і судах у Беларусі. Асабліва з роднага Гродна, калі ты быў сведкам таго, што адбываецца, а зрабіць нічога не можаш".

Лапа спрабаваў заявіць у судзе сведку, які з'ехаў у Польшчу. Абвінавачаны растлумачыў суддзі, што той з'ехаў у мэтах бяспекі. Але сведку так і не апыталі. У судзе вырашылі, што паколькі ён не знаходзіцца ў Беларусі, то не нясе адказнасці за свае паказанні.

Увечары 11 жніўня Дзмітрый з сябрамі катаўся па горадзе і бачыў, як затрымлівалі таксіста Аляксея Лапу і ягоных сяброў. Рух у горадзе ў той вечар быў абцяжараны, машыны ДАІ пастаянна перакрывалі дарогі.

"Мы ехалі па вуліцы Савецкіх памежнікаў. На святлафоры планавалі разгарнуцца, але сустрэчная паласа была заблакаваная ДАІ. Тады вырашылі згарнуць на вуліцу Паповіча. Перад кольцам [на плошчы дзекабрыстаў-Hrodna.life] утварыўся затор. У нейкі момант перад намі з'яўляецца вольная прастора і ў кішэню заехаў шэры аўтамабіль таксі. У яго было разбіта задняе шкло. Не прайшло і хвіліны, як машыне перакрыў рух белы бус, а адтуль выбеглі людзі ва ўсім чорным і без усялякіх слоў і просьбаў пачалі біць па аўтамабілі".

Гэта была машына з Аляксеем Лапай і пасажырамі. Зміцер кажа, што хлопцы не супраціўляліся, а іх выцягнулі і збілі.

3 сакавіка Аляксей Лапа ў суд не з'явіўся па невядомых прычынах, месцазнаходжанне яго невядомае. На тэлефанаванні не адказвае. Пракурор кажа: абвінавачваны не з'явіўся, аб'явіць яго у вышук і змяніць змяніць меру стрымання. Суддзя зрабіў перапынак і сыйшоў у дарадчы пакой.

Суддзя пастанавіў:  згодна з падпіскай аб нявыездзе Лапа павінен з'яўляцца ў суд па першым патрабаванні. Ён парушыў меру стрымання, абвясціць у вышук і заключыць пад варту. Вытворчасць па справе прыпыніць, копію пастановы накіраваць пракурору Гродна.