Пінск: Каманды Раманчука і Міхалевіча зладзілі пікеты ўпершыню

У Пінску ініцыятыўныя групы Яраслава Раманчука і Алеся Міхалевіча зладзілі пікеты па зборы подпісаў за сваіх кандыдатаў - упершыню з пачатку перадвыбарчай кампаніі. Дагэтуль пінскія каманды Раманчука і Міхалевіча шукалі падтрымкі выбаршчыкаў па тэхналогіі “ад дзвярэй да дзвярэй”. Канкурэнты стаялі ў пікеце поплеч, каля ўваходу ў самы вялікі гарадскі рынак.

Да гэтага часу толькі прадстаўнікі Аляксандра Лукашэнкі, Рыгора Кастусёва і Яраслава Раманчука  збіралі подпісы за сваіх кандыдатаў у Пінску метадам пікетавання. Як ні дзіўна, найбольш актыўная па краіне ініцыятыўная група Уладзіміра Някляева пакуль не праявіла сваіх атрактыўных здольнасцяў сярод пінчукоў. У апошні момант стала вядома, што ў горадзе ёсць прыхільнікі  Мікалая Стакевіча, які таксама прэтэнтуе на прэзідэнцкі пост, аднак іх атыўнасць у Пінску пакуль ніхто не заўважыў.

“Праваабаронцы за свабодныя выбары”