У Маладэчне Някляеў сам збіраў подпісы

16 кастрычніка ў Маладэчне адбыўся пікет, які прыцягнуў асаблівую ўвагу гараджан. Праз гучнагаварыцель далёка разносілася: “Тут адбываецца збор подпісаў за Ўладзіміра Някляева”. Акрамя таго, на пікеце прысутнічаў сам прэтэндэнт у кандыдаты.

Пікет па зборы подпісаў за вылучэнне Уладзіміра Някляева быў выстаўлены каля Цэнтральнай пошты. Калі з’явіўся сам Уладзімір Пракопавіч, вакол сабраліся людзі. Маладэчанцы падпісваліся, задавалі пытанні і фатаграфаваліся з прэтэндэнтам у кандыдаты.

Пастаяўшы на пікеце, спадар Някляеў разам са сваёй камандай прайшоўся па цэнтральных вуліцах Маладэчна.

Напрыканцы візіту ў Маладэчна Уладзімір Пракопавіч усклаў кветкі да помніка “Пакутнікам за Волю і Незалежнасць Беларусі”.

“Праваабаронцы за свабодныя выбары”