Баранавічы: Пастаянна дзеючы пікет у падтрымку Андрэя Саннікава

23 лістапада ў Баранавічах каманда Андрэя Саннікава арганізавала пастаянна дзеючы інфармацыйна-агітацыйны пікет у цэнтры горада - ля цэнтральнага кінатэатра “Кастрычнік”. Учора грамадскія актывісты пераважна раздавалі газету “Народная воля”, якой даў інтэрв’ю Андрэй Саннікаў. Іншых інфармацыйных матэрыялаў пакуль няма.

Міліцыя сачыла за дзеяннямі пікетоўшчыкаў, але не перашкаджала. Кіраўнік мясцовага штабу Андрэя Саннікава Віктар Мязяк патлумачыў, што калі не будзе супрацьдзеяння гарадскіх ўладаў, то гэты інфармацыйна-агітацыйна пікет будзе працаваць кожны будні дзень. А ў выходныя актывісты плануюць раздаваць улёткі ля аўтобуснага і чыгуначнага вакзалаў, а таксама на цэнтральным кірмашы.

“Праваабаронцы за свабодныя выбары”