Гарадзенскія журналісты пратэстуюць супраць пераследу Андрэя Пачобута

Гарадзенскія журналісты, сябры Беларускай Асацыяцыі Журналістаў, 30 сакавіка правялі экстраннае паседжанне, на якім было вырашана падрыхтаваць і накіраваць ліст пратэсту ў Гродзенскую абласную пракуратуру. Незалежныя журналісты абураныя іх пастаяннай дыскрымінацыяй і татальным пераследам, а таксама тым фактам, што пракуратура распачала крымінальную справу па артыкуле за абразу прэзідэнта ў дачыненні да Андрэя Пачобута, вядомага публіцыста і блогера, уласнага карэспандэнта "Gazety Wyborczej".

Гродзенскія журналісты пратэстуюць супраць гвалтоўнага парушэння іх канстытуцыйных правоў і заклікаюць пракуратуру спыніць рэпрэсіі і закрыць крымінальную справу Андрэя Пачобута. Зараз збіраюцца персанальныя подпісы пад зваротам у пракуратуру.  

“Праваабарончая хроніка”