Навіны на тэму: выбары прэзідэнта-2010
22.11.2010 Бялынічы: Агітаваць зараз можна не толькі ў Ліпавым гаі
Бялыніцкі райвыканкам перагледзеў сваё папярэднее рашэнне аб вызначэнні месцаў для правядзення агітацыйных масавых мерапрыемстваў (сходаў па-за памяшканнямі, мітынгаў, пікетавання), якія арганізуюцца кандыдатамі ў прэзідэнты Рэспублікі Беларусь і іх даверанымі асобамі.
22.11.2010 Апрануў на дзяцей майкі з партрэтамі Лукашэнкі падчас футболу дэпутат Георгій Дарбуашвілі (фота)
Учора, 21 лістапада ў Брэсце прайшоў матч паміж брэсцкім “Дынама” і бабруйскай “Белшынай”. Падчас матча на стадыёне знаходзілася каля 30 дзяцей і падлеткаў, апранутых у рознакаляровыя майкі з партрэтам Лукашэнкі і напісам “Наш президент”. Ініцыятар гэтай акцыі – дэпутат Берасцейскага гарсавету Георгій Дарбуашвілі.
22.11.2010 Барысаў. Райвыканкам прызначыў “пятую кропку”
Без указання прычын Барысаўскі райвыканкам прыняў рашэнне аб прызначэнні яшчэ адной «кропкі» для правядзення сустрэч кандыдатаў у прэзідэнты па-за памяшканнямі. Давераныя асобы апазыцыйных кандыдатаў звязваюць такое рашэнне з падачай даверанай асобай кандыдата Някляева Міхаіла Васільева скаргаў у ЦВК і Мінскі аблвыканкам.
22.11.2010 Слонім: Невядомыя зрываюць інфармацыйныя матэрыялы Рымашэўскага
У Слоніме 25 лістапада ў кінатэатры “Мір” плануецца першая сустрэча з кандыдатам на пасаду прэзідэнта Рэспублікі Беларусь Віталём Рымашэўскім. Слонімскія сябры партыі “БХД” пачалі развешваць абвесткі ў дазволеных месцах, але незнаёмыя асобы адразу іх зрываюць.
22.11.2010 Бабруйск: Гарвыканкам параіў дэмакратам звярнуцца ў суд
Алена Мядзведзева, сябра ініцыятыўнай групы Уладзімера Някляева, першай атрымала адказ з гарвыканкама на заяву з просьбай пашырыць спіс месцаў для агітацыі. "У адказе напісалі, што выдзеленыя месцы добра прадуманыя, і калі нам нешта не падабаецца, маем права звярнуцца ў суд", - распавядае А.Мядзведзева.
22.11.2010 Віцебск: За заклік да байкоту – арышт і штраф
Барыс Хамайда і Ян Дзяржаўцаў выйшлі на вуліцу Леніна з плакатамі “Толькі байкот” і “Удзел у выбарчым фарсе – гэта здрада Радзіме”. Праз дзве гадзіны яны апынуліся ў Чыгуначным райаддзеле міліцыі, дзе на іх склалі пратакол за несанкцыянаванае пікетаванне. А яшчэ праз пару гадзін суддзя Алена Цыганкова вынесла рашэнне: пакараць Хамайду 5 суткамі арышту, а Дзяржаўцава аштрафаваць на 350 тысяч рублёў.
22.11.2010 Галіна Сямдзянава: Мінская гарадская камісія адсунута ад прыняцця рашэнняў
В мінулую нядзелю – 21 лістапада – Першы нацыянальны тэлеканал “парадаваў” сваіх гледачоў матэрыялам пра асаблівасці гэтай выбарчай кампаніі. У прыватнасці, шмат увагі было ўдзелена дзейнасці партый дэмакратычнай накіраванасці падчас выбараў і працы Мінскай гарадской выбарчай камісіі.
22.11.2010 Агітатарам за байкот — штраф і "суткі"
Судзьдзя Чыгуначнага райсуду Віцебску Алена Цыганкова пакарала за несанкцыянаванае пікетаваньне з заклікам да байкоту прэзыдэнцкіх выбараў сябра КХП БНФ Яна Дзяжаўцава і беспартыйнага апазыцыянэра Барыса Хамайду.
22.11.2010 Магілёў: Праваабаронца просіць Цэнтрвыбаркам размясціць на сайце камісіі ўсе прынятыя пастановы
“З 74 пастановаў Цэнтрвыбаркама, якія былі прынятыя падчас прэзідэнцкіх выбараў 2010 года, на сайце не размешчаны 57, - гаворыць Барыс Бухель. - Гэта пастановы №№ 45, 51, 52, 54 – 81, 84 – 92, 97, 98, 99, 101 – 117. У двух апублікаваных пастановах - №43 і №44 - інфармацыя не з'яўляецца поўнай”.
22.11.2010 Гродзенскія спецслужбы падчас выбараў працуюць па-старому
Назіральнікі прыйшлі да высновы, што ініцыятыва затрымліваць і даглядаць актывістаў палітычных партый і грамадскіх арганізацый належыць менавіта гродзенскім, а не агульнабеларускім, спецслужбам, якія далі ў памежныя органы спісы грамадска-палітычных актывістаў.
22.11.2010 Гродзеншчына: Аўтамабілісты рэгіёну шукаюць праўдзівай інфармацыі пра выбары
Людзі ўсё часцей распавядаюць навіны, прачытаныя ў інтэрнэце або ўбачаныя па тэлеканале “Белсат”. Асабліва вырасла цікавасць да перадач Беларускага радыё “Радыё Рацыя”, якое вяшчае з тэрыторыі Польшчы і таму не падпадае пад цэнзуру беларускіх праўладных ідэолагаў. Цікава было даведацца меркаванне жыхароў на гэты конт .
22.11.2010 Магілёў: Праваабаронца просіць дапусціць яго на трэнінг для сябраў участковых выбаркамаў
Праваабаронца Барыс Бухель звярнуўся ў Кастрычніцкаю раённую выбарчую камісію г.Магілёва з заявай, у якой просіць дапусціць яго прысутнічаць падчас трэнінгу для сябраў участковых выбарчых камісій Кастрычніцкага раёна г.Магілёва.
22.11.2010 У працы мазырскай вертыкалі адбыліся збоі?
Як інакш патлумачыць, што на адзін і той жа зварот праваабаронцы Уладзіміра Целяпуна чыноўнікі адказваюць двойчы? У лісце, які датуецца 10 лістападам, даецца адказ на зварот праваабаронцы наконт утварэння гэтак званых “працоўных груп”. Але Уладзімір Целяпун па гэтым звароце ўжо атрымаў раней адказ ад мазырскіх вертыкальшчыкаў за подпісам першага намесніка старшыні, начальніка ўпраўлення сельскай гаспадаркі і харчавання А.І. Цітка. Што прымусіла райвыканкам даслаць яшчэ адзін адказ?
22.11.2010 Брэст: Неўключэнне апазіцыянераў у склад выбаркамаў зноў аспрэчваецца ў судзе
Кіраўнік Брэсцкай гарадской арганізацыі Беларускай партыі левых "Справядлівы свет" Людміла Дзенісенка накіравала наглядную скаргу на імя старшыні абласнога суда, у якой просіць унесці пратэст на рашэнне суда першай інстанцыі. Гаворка ідзе пра вердыкт суда Ленінскага раёна Брэста, які пакінуў без задавальнення скаргу прадстаўнікоў апазіцыйнай партыі.
22.11.2010 Апазіцыянеры агітуюць "на хаду"
Сярод апазіцыйных кандыдатаў першым актыўную агітацыйную кампанію ў Салігорску пачаў Уладзімір Някляеў. Яго прадстаўнікі былі заўважаны ў цэнтры горада ўжо 21 лістапада. Прадстаўнікі іншых кандыдатаў пакуль сябе аніяк не праявілі. Зрэшты, час у іх яшчэ ёсць.
