Міжнародная супольнасць рэагуе на Дзень салідарнасці з палітвязнямі: "Мы ўспамінаем пра іх кожны дзень" Дапоўнена
Праваабарончы цэнтр "Вясна" вызначыў 21 траўня Днём салідарнасці з палітзняволенымі Беларусі. Сёлета будзе ўжо трэцяя гадавіна са дня смерці ў шклоўскай калоніі № 17 палітзняволенага актывіста Вітольда Ашурка. У гэты дзень збіраем рэакцыі міжнароднай супольнасці на гэтую дату.
У клетцы і з жоўтымі біркамі
У Фларэнцыі каля форуму Мандэлы адбыўся перформанс з удзелам былых палітвязняў Беларусі.
ЕС выступіў з заявай з нагоды Дня палітвязняў Беларусі
«Сёння ў Беларусі па-ранейшаму каля 1400 палітычных вязняў. Сотні маюць сур'ёзныя праблемы са здароўем, інваліднасць, узрост за 60 гадоў ці псіхічныя разлады.
Іх утрымліваюць незаконна, падвяргаюць катаванням і жорсткаму абыходжанню, у тым ліку пазбаўляюць неабходнай медыцынскай дапамогі.
Рэжым усё часцей робіць сваімі мішэнямі і тых, хто быў вымушаны пакінуць краіну. Еўрапейскі саюз асуджае апошнюю хвалю рэйдаў і канфіскацыі маёмасці палітычных актывістаў, якія ў выгнанні працягваюць сваю дзейнасць у абарону свабоды.
У гэты дзень салідарнасці ЕС патрабуе неадкладнага і безумоўнага вызвалення ўсіх палітычных зняволеных і заклікае ўлады выконваць міжнародныя абавязацельствы Беларусі ў галіне правоў чалавека, у прыватнасці, забяспечваць доступ да належнай медыцынскай дапамогі без дыскрымінацыі.
ЕС працягне падтрымліваць усіх, хто мужна выступае за незалежную і дэмакратычную Беларусь».
МЗC Латвіі і Эстоніі: "Мы патрабуем неадкладнага вызвалення ўсіх палітвязняў!"
"Мы выказваем салідарнасць з усімі палітвязнямі ў Беларусі. З 2021 года ў зняволенні ў Беларусі памерлі 6 палітвязняў. Мы заклікаем да хутчэйшага аказання медыцынскай дапамогі палітвязням, якія жывуць у нястачы, і патрабуем неадкладнага вызвалення ўсіх палітвязняў!", — адзначылі ў МЗС Латвіі.
Да падтрымкі далучыўся і МЗС Эстоніі: "Эстонія падтрымлівае дэмакратычныя памкненні беларускага народа і выступае за безумоўнае і неадкладнае вызваленне ўсіх палітычных зняволеных."
МЗС Ірландыі далучылася да падтрымкі
"У Міжнародны дзень салідарнасці з палітвязнямі ў Беларусі Ірландыя падтрымлівае 1392 чалавекі, якія цяпер знаходзяцца ў зняволенні за імкненне да дэмакратычнай будучыні.
Мы заклікаем да іх неадкладнага вызвалення і спынення палітычна матываваных арыштаў і судовых працэсаў"
Варшава заклікала Мінск вызваліць палітвязняў
Вызваліць усіх палітвязняў заклікала 21 траўня беларускія ўлады Міністэрства замежных спраў Польшчы.
"Сёння, у дзень палітычных зняволеных, мы заклікаем яшчэ раз вызваліць зняволеных, зняць з іх абвінавачванні і спыніць далейшыя рэпрэсіі", — гаворыцца ў паведамленні ведамства ў сацсетцы X.
Як адзначае знешнепалітычнае ведамства, "не менш за 1.360 палітвязняў, больш за 250 знаходзяцца ў небяспечным для здароўя або жыцця стане".
Да падтрымкі далучыліся прадстаўнікі і прадстаўніцы еўрапейскіх амбасадаў
Прадстаўнікі і прадстаўніцы амбасадаў Эстоніі, Літвы, Польшчы і Швецыі ў розных краінах "сфатаграфаваліся з сімвалам Дня палітвязня ў 2024 годзе — чырвоным сэрцам.
Today is International Day of Solidarity with Political Prisoners in #Belarus. With colleagues from ????????????????????????????????we took the opportunity increase the visibility of their plight. Ils sont 1374 aujourd’hui. #FreeBelarus pic.twitter.com/CQRR2zq8Gx
— CatherineGodin (@GodinCath) May 21, 2024
"Сёння Міжнародны дзень салідарнасці з палітвязнямі ў Беларусі. Разам з калегамі мы скарысталіся магчымасцю прыцягнуць увагу да іх цяжкага становішча. На сёння 1374 палітвязні", — адзначыла ў Х Катрын Годзін, амбасадарка Канады ў Польшчы.
Амбасада ЗША у Мінску: "Усе палітвязні мусяць быць вызваленыя"
On May 21, we commemorate the Day of Solidarity with Political Prisoners. But we remember them every day because every day they unjustly remain imprisoned for believing in a free and democratic Belarus.
All political prisoners of Belarus must be released. pic.twitter.com/bL35YHhVqb— U.S. Embassy Minsk (@USEmbBy) May 21, 2024
"21 траўня мы адзначаем Дзень салідарнасці з палітычнымі вязнямі. Але мы ўспамінаем пра іх кожны дзень, таму што кожны дзень яны несправядліва застаюцца ў зняволенні за веру ў свабодную і дэмакратычную Беларусь.
Усе палітычныя зняволеныя Беларусі павінны быць вызваленыя", — напісала прадстаўніцтва амбасады.
Сталае прадстаўніцтва Польшчы ў Еўрасаюзе выказала падтрымку
Сталае прадстаўніцтва Польшчы ў Еўрасаюзе, якое знаходзіцца ў Брусэлі, выказала падтрымку зняволеным журналістам. Прадстаўніцтва адпаведным чынам аформіла свой будынак.
Пастаяннае прадстаўніцтва Рэспублікі Польшча пры Арганізацыі па бяспецы і супрацоўніцтве ў Еўропе ў Вене таксама далучылася да падтрымкі. Адам Галацінскі выклаў у Х фотаздымак.
Еўрапейская служба знешніх сувязяў: "Мы салідарныя з народам Беларусі"
"Сёння мы адзначаем Міжнародны дзень салідарнасці з палітычнымі зняволенымі ў Беларусі.
Усе палітычныя зняволеныя павінны быць безумоўна вызваленыя і рэабілітаваныя.
Усе вінаватыя будуць прыцягнутыя да адказнасці.
Мы салідарныя з народам Беларусі", — адзначылі ў EEAS.
Нарвежскі Хельсінкскі камітэт: "Мы хочам прыцягнуць увагу міжнароднай супольнасці да няздольнасці забяспечыць належную медыцынскую дапамогу ў месцах пазбаўлення волі"
"21 мая ў Беларусі адзначаецца Дзень палітвязняў. Палітычныя зняволеныя ў Беларусі ўтрымліваюцца ў жудасных умовах і ім адмаўляюць у медыцынскай дапамозе. Таму тэма гэтага года — права на здароўе і медыцынскую дапамогу ў месцах пазбаўлення волі.
Разам з "Вясной" мы хочам прыцягнуць увагу міжнароднай супольнасці да няздольнасці забяспечыць належную медыцынскую дапамогу ў месцах пазбаўлення волі і ў чарговы раз запатрабаваць ад уладаў вызваліць усіх палітвязняў".
Да салідарнасці далучылася чэшская некамерцыйная арганізацыя "Чалавек у бядзе"
"21 мая — Дзень беларускіх палітвязняў. Беларусь з'яўляецца адной з найменш свабодных краін у свеце. Што тычыцца свабоды прэсы і індэкса дэмакратыі, то Беларусь нязменна займае 153-е месца ў рэйтынгу сярод усіх дзяржаў.
Гэта таксама вельмі высокі паказчык з пункту гледжання колькасці палітычных зняволеных. Паводле звестак беларускай праваабарончай арганізацыі "Вясна", на сённяшні дзень па палітычных матывах у беларускіх турмах знаходзяцца 1374 чалавекі.
Акрамя таго, рэжым самаабвешчанага прэзідэнта Лукашэнкі працягвае закручваць гайкі. Суровыя пакаранні пагражаюць за простае вывешванне чырвона-белага сцяга, які стаў сімвалам супраціву, або за простыя публікацыі ў сацыяльных сетках з крытыкай рэжыму. Больш за тое, некалькі месяцаў таму рэжым пачаў караць былых палітвязняў і іх сваякоў, каб працягваць трымаць беларускае грамадства ў стане страху".
Падтрымку палітвязням выказала Еўрапейская платформа за дэмакратычныя выбары
"Тэма гэтага года — права кожнага зняволенага на ахову здароўя і медыцынскую дапамогу. Неадэкватнае медыцынскае абслугоўванне ў месцах пазбаўлення волі ў Беларусі з'яўляецца сур'ёзнай праблемай, і прынамсі 254 палітычных зняволеных па-ранейшаму знаходзяцца ў зоне рызыкі.
EPDE рашуча салідарная з нашымі беларускімі калегамі і заклікае як беларускую, так і міжнародную супольнасць забяспечыць належнае медыцынскае абслугоўванне ў месцах пазбаўлення волі.
Мы заклікаем да неадкладнага вызвалення нашых калегаў і ўсіх палітвязняў!"
Міжнародны ПЭН далучыўся да падтрымкі: "Заклікаем да неадкладнага вызвалення"
On the International Day of Solidarity with Political Prisoners in #Belarus we urge the immediate and unconditional release of all those wrongfully detained, including writer and @pen_belarus Maksim Znak. Take action: https://t.co/ofUdu4IKi7 pic.twitter.com/Ro4Aw81dUT
— PEN International (@pen_int) May 21, 2024
"У Міжнародны дзень салідарнасці з палітычнымі зняволенымі ў Беларусі мы заклікаем да неадкладнага і безумоўнага вызвалення ўсіх незаконна затрыманых, уключаючы пісьменніка Максіма Знака".
Пастаяннае прадстаўніцтва Швецыі пры АБСЕ: "Мы салідарныя з усімі"
21 May is the Day of Political Prisoners in #Belarus. We stand in solidarity with them all & call on the authorities to provide proper medical care in places of detention. We demand the immediate & unconditional release of all those arbitrarily detained. #FreeBelarus????Svenska PEN pic.twitter.com/JyX1W2Rhi5
— Sweden in the OSCE ???????? (@SwedeninATOSCE) May 21, 2024
"21 траўня ў Беларусі адзначаецца Дзень палітычных зняволеных. Мы салідарныя з усімі імі і заклікаем улады забяспечыць належную медыцынскую дапамогу ў месцах пазбаўлення волі. Мы патрабуем неадкладнага і безумоўнага вызвалення ўсіх адвольна затрыманых", — гаворыцца ў паведамленні.
Альянс лібералаў і дэмакратаў за Еўропу ў Парламенцкай асамблеі Рады Еўропы (ALDE-ПАСЕ): "Яны павінны быць вызваленыя і рэабілітаваныя"
"21 траўня — Дзень салідарнасці з палітвязнямі ў Беларусі. Каля 1500 праваабаронцаў, журналістаў, навукоўцаў, палітычных дзеячаў і актыўных грамадзян знаходзяцца ў турмах. Яны павінны быць вызваленыя і рэабілітаваныя".
Міжнародная арганізацыя "Індэкс цэнзуры": "Рэжым Лукашэнкі саджае людзей за краты за тое, што яны выступаюць у абарону дэмакратыі"
"Індэкс цэнзуры" апублікаваў "Лісты ад зняволеных Лукашэнкі" — гэта сумесны праект "Індэкса цэнзуры" ў партнёрстве з Беларускім Свабодным тэатрам, фондам "Дом правоў чалавека" і Politzek.me.
"Рэжым Лукашэнкі саджае людзей за краты за тое, што яны выступаюць у абарону дэмакратыі. Калі ласка, прачытайце словы тых, каго дзяржава спрабавала прымусіць замаўчаць".
Дзень палітвязняў падтрымала асацыяцыя "VIENNA ges EUROPE"
Прэзідэнтка асацыяцыі "VIENNA ges EUROPE" Каці Шнеебергер выклала ў X допіс, дзе прадэманстравала падтрымку беларускім палітвязням.
Day of Solidarity with Political Prisoners in #Belarus
????❤️????
today: 1519 prisoners
* MARYIA KALESNIKAVA - 3 years 8 months 15 days in prison
* MAKSIM ZNAK - 3 years 8 months 13 days
* VIKTAR BABARYKA - 3 years 11 months 4 days
* IHAR LOSIK - 3 years 10… pic.twitter.com/93HZTS0xfy— Kati Schneeberger ???????? (@KatiSchneeberg1) May 21, 2024
Фінскі палітык Орас Цюнккюнен стаў хросным палітзняволенай Алесі Лянцэвіч
"Сёння, у дзень салідарнасці з палітвязнямі ў Беларусі, я праінфармаваў амбасаду, што я стаў хросным палітзняволенай Алесі Лянцэвіч. Я выказваю падтрымку Лянцэвіч, якая несправядліва пазбаўленая волі.
Мая салідарнасць распаўсюджваецца на ўсіх палітвязняў у Беларусі.
Мы не спынімся, пакуль усе яны не будуць вызваленыя", — адзначыў палітык.
