Сябра Партыі БНФ пазбавілі статуса чальца ўчастковай выбарчай камісіі
https://spring96.org./be/news/39502
2010
2010-12-17T15:20:51+0200
2010-12-17T15:20:51+0200
1970-01-01T03:00:00+0300
be
Юрася Шпака-Рыжкава абвінавацілі ў тым, што ён блытаў паўнамоцтвы сябра камісіі і назіральніка.
Рашэннем Адміністрацыі Ленінскага раёна №1389 ад 17 снежня 2010 года спынены паўнамоцтвы Юрася Шпака-Рыжкава, ў якасці чальца ўчастковай выбарчай камісіі №4 Ленінскага раёна г. Мінска. Ён з’яўляецца сябрам Партыі БНФ. Рашэнне адміністрацыі грунтуецца на аснове арт. 36 Выбарчага кодэкса РБ, які рэгламентуе парадак змянення складу камісіі. Юрася Шпака-Рыжкава абвінавацілі ў тым, што ён блытаў паўнамоцтвы сябра камісіі і назіральніка. Некалькі разоў Юрась дапамагаў выбаршчыкам, якія не маглі зарыентавацца на выбарчым участку, за што атрымаў некалькі заўваг ад старшыні камісіі.
